ފިލްމު ޑައިރެކްޓަރު ރަވީ އަކީ އޭނާ އަށް ހައްގު ތައުރީފަށް ވުރެން ބޮޑަށް ފާޑުކިޔުން އަމާޒުވާ ފަންނާނެކޭ ބުނެވިދާނެ އެވެ. އޭނާގެ މަސައްކަތުގެ ހުނަރުވެރިކަމާއި ކުޅަދާނަކަމަށް ބަލާއިރު އެއާ ގާތްކުރާ މިންވަރަކަށް މިހާތަނަށް ތައުރީފު ލިބިފައެއް ނެތެވެ. ވަކިން ހާއްސަކޮށް ދިވެހި ފިލްމީ ދާއިރާގައި ލޯތްބާއި އިހްތިރާމް ލިބިފައިވާ ނުވަތަ އެންމެން ގަބޫލުކުރާ ފެންވަރުގެ މޮޅު ޑައިރެކްޓަރަކަށް ވުމަށް ރަވީ އަށް ހުރި ގޮންޖެހުންތައް ވަރަށް ގިނަ އެވެ.