މުޑިކާއްޓަކީ ޒަމާނީ ކެއުންތަކުގައި އާންމުކޮށް ފެންނަ ބާވަތެއް ނޫނެވެ. ނަމަވެސް މިއީ މުހިންމު އެތައް މާއްދާއަކުން މުއްސަނދި، ހަށިގަނޑަށް ފައިދާހުރި ބާވަތެކެވެ. "ފުޑްނަސް ބައި ސާ" ގެ ބަދިގެއިން މިއަދު އަހަރެމެންނަށް މި ހިއްސާކުރަނީ މުޑިކާށި ބޭނުންކޮށްގެން، ރަހަމީރު ޕުޑިންއެއް ތައްޔާރުކުރާނެ ގޮތެވެ.

"މިއީ އަސްލު މަންމަގެ ހިޔާލެއް. ވަރަށް ބައިވަރު މުޑިކާށިތަކެއް ހަދިޔާއަަކަށް ލިބިގެން މަންމަ ޕުޑިންއެއް ހެދޭތޯ ޓްރައިކޮށްލީ،" ސަމާހަތު ބުންޏެވެ.

5 މުޑިކާށި، 6 ބިސް، 3/2 ގެރިކިރު، 1 ސައިސަމުސާ ވެނީލާ އެސެންސް، 10 ގުރާމު ބަޓަރު، 1 މޭޒުމަތީ ސަމުސާ ފުށް، 3/1 ގޯޑު ފުލްކްރީމް ކިރު (އޮޕަޝަނަލް)

* އެންމެ ފުރަތަމަ މިކްސަރުގައި މުޑިކާށި، ބިސް، ގެރިކިރު ގިރާލާށެވެ. ގިރާލަން އުނދަގޫ ނަމަ ކިރުފޮދު އަޅާފައި ގިރާށެވެ. އެއަށް ފަހު ވެނީލާ އެސެންސް ފޮދު އަޅާނީ އެވެ.

* ޕުޑިން މިކްސް އެޅުމުގެ ކުރިން ބޭކިން ޓްރޭގައި ބަޓަރު ހާކައި ފުށްކޮޅެއް ބުރުވާލާށެވެ. އެއަށްފަހު ޕުޑިން މިކްސް ބޭކިންގް ޓްރޭއަށް އޮއްސާލާފައި އަވަނުގައި 30 މިނެޓުވަންދެން 150 ޑިގްރީސެލްސިއަސް ހޫނު މިނުގައި ފިހެލާށެވެ. ޕުޑިން ފިހުމަށް ފަހު ހިހޫކުރަން އަވަނުން ބޭރުގައި ބަހައްޓާށެވެ. ހިހޫ ވުުމުން ދެ ގަޑިއިރަށް ފުރިޖުގައި ޕުޑިން ފިނިކުރަން ބަހައްޓާށެވެ.