އާންމުކޮށް ކައިއުޅޭ ހެދިކާގެ ބާވަތްތަކާއި ދިވެހި ރަހަތަކާ ދުރު، މިއަަދުގެ ރެސިޕީ އަކީ ރޯދަވީއްލާ ގަޑިއަށް ނުވަތަ ތަރާވީސްގަޑިއަށް ވެސް ތައްޔާރުކޮށްލެވިދާނެ މީރު އެއްޗެކެވެ. މިއަދުގެ ރެސިޕީ ވެސް ހިއްސާކުރަނީ ރިފޫސް ކިޗަން އިންނެވެ.

ޕީޓާ ބްރެޑް;

2 ޖޯޑު ފުށް، ލޮނުކޮޅެއް، 1 ޖޯޑު ދިޔާކިރު، 1 ސައިސަމްސާ މާޖިރިން 1 ކުޑަސަމްސަލުގެ ބޭކިން ޕައުޑަރު، 1 ބިސް، ލޮނުކޮޅެއް، 1 ސައިސަމްސާ ހަކުރު 1/2 1 ސައިސަމްސާ އީސްޓް

ފިލިންގްސް:

3 ޖޯޑު ކޮށާފައި ހުރި ބޯންލެސް ކުކުޅު، 1 ސައިސަމްސާ ލޮނުމިރުސް، 1 ސައިސަމްސާ މުގުރި އަސޭމިރުސް ސަބްމެރިން ކްރީމް، 1 ކުޑަސަމްސަލުގެ ރީނދޫ ، 2 ފޮތި ޗީޒް، ލެޓިއުސް ފަތް، ބޮޑު ފިޔާއެއް ދިގުކޮށް ކޮށާފައި، 2 ލޮނުމެދު ކުދިކޮށްކޮށާފައި، ފްރެންޗް ފްރައިސް ތެލުލާފައި، ތެޔޮފޮދެއް، ލޮނު

ތައްޓަކަށް ކިރު، ބިސް، އީސްޓް އަދި ހަކުރުކޮޅު އަޅާ ސަމުސަލަކުން ގިރާލުމަށް ފަހު މަތިޖަހައި 10 މިނެޓް ވަންދެން ބަހައްޓާލާށެވެ.

ފުށްކޮޅު ތެރެއަށް ލޮނު، ބޭކިން ޕައުޑަރު އަޅައި އެއްކޮއްލުމަށް ފަހު ކުރިން ތައްޔާރުކުރި ބައި އަޅަމުން ފުށްގަނޑު މޮޑެލާށެވެ. ރަނގަޅަށް އެއްވުމުން މާޖިރިން ކޮޅުއަޅައި ރަގަޅަށް މޮޑެލުމަށް ފަހު އަނެއްކާވެސް މަތިޖަހައި 10 މިނެޓް ވަންދެން ބެހެއްޓުމަށް ފަހު ގުޅަ ޖަހާލައި ދިގަށްވާގޮތަށް މެދު މިނެއްގެ ބޯމިން ހުންނަ ވަރަށް ދަމާލުމަށް ފަހު އިތުރު 10 މިނެޓް ވަންދެން ބަހައްޓާލާށެވެ. އެއަށްފަހު މަޑު ގިނީގައި ދެފުށް ފިހެލާށެވެ. ދެން މެދުން ކަފާލައި އެތެރެ ފިލް ކުރެވޭ ގޮތަށް ޖާގަ ހަދާލާށެވެ.

ކޮށާފައި ހުރި ކުކުޅުކޮޅު ތެރެއަށް އަސޭމިރުސް ރީނދޫ ލޮނުމިރުސް ލޮނު އަޅައި ރަނގަޅަށް އެއްކޮށްލުމަށް ފަހު މެރިނޭޓްކުރުމަށް ބަހައްޓާށެވެ.

ތަވަޔަކަށް ތެޔޮފޮދު އަޅާލުމަށް ފަހު ފިޔާ، ލޮނުމެދު އަޅާލައި މިލުވާލާށެވެ. ދެން މެރިނޭޓްކުރި ކުކުޅުކޮޅު އަޅައި ރޯފިލަންދެން ކައްކާލާށެވެ. އެއަށް ފަހު ޗީޒް ކޮޅު އަޅާލައިގެން ވިރެންދެން ކައްކާލާށެވެ.

ޕީޓާ ޕޮކެޓްސްގެ އެތެރޭގައި ސަބްމެރިން ކްރީމް ހާކާލުމަށް ފަހު ފަހަރަކު ބައެއް އަޅަމުން އެތެރެ ފިލްކޮށްލާނީ އެވެ.