ޗޮކްލެޓް ޗިޕްސް، މޭޒުމަތީ 3 ސަމުސާ ބަޓަރު، 6 ބިސް، މޭޒުމަތީ ދޮޅު ސަމުސާ ހަކުރު، 2 ސައިސަމުސާ ވެނީލާ އެކްސްޓްރެކްޓް، ވިރުވާފައި ހުރި ޑާކް ޗޮކްލެޓް، ދޮޅު ޖޯޑު ފުށް، 1 ޖޯޑު ކޮކޯ ޕައުޑަރު، 1 ސައިސަމުސާ ލޮނު

ބަޓަރުކޮޅާ އެކު ހަތަރު ބިސް ތައްޓެއްގައި އެއްކޮށްފައި އޭގެ ތެރެއަށް ހަކުރުކޮޅާއި ވެނީލާ އެކްސްޓްރެކްޓް ކޮޅެއް އެއްކޮށްފައި ރަނގަޅަށް ގިރާލާށެވެ. ދެން އޭގެ ތެރެއަށް، ވިރުވާފައިހުރި ޗޮކްލެޓް ކޮޅު އަަޅައި ގިރާލުމަށް ފަހު ފުށާއި ދެ ބިސް އަޅާފައި ކޮކޯޕައުޑަރާއި ލޮނު ކޮޅެއް ވެސް އަޅާފައި އެއްކޮށް އޮލަވަންދެން ރަނގަޅަށް ގިރާލާށެވެ. މީގެ ފަހުން، ދެން އެއްކުރި ޗޮކްލެޓްކޮޅު ތެރެއަށް ޗޮކްލެޓް ޗިޕްސް އަޅައި އެއްކޮށްލުމަށް ފަހު، ޓްރޭއަކަށް ފުށްގަނޑު އަަޅައި 20 -30 މިނެޓު ވަންދެން ފިހާށެވެ. ދެން ފޮތިފޮއްޗަށްވާ ގޮތަށް ކަފާލާށެވެ. ބޭނުން ނަމަ، ބްރައުނީގެ މަތީގައި، ވިރުވާފައި ހުރި ޗޮކްލެޓް ވެސް ހޭކިދާނެ އެވެ. ނުވަތަ އައިސްކްރީމާ އެކު ވެސް ރަނގަޅުވާނެ އެވެ.