އިންޓަނެޓުގެ މި ޒަމާނުގައި ބޭނުންވާ އެއްވެސް މައުލޫމާތެއް ނުލިބިގެން ހުންނާކަށް ނުޖެހޭނެ އެވެ. އެންމެ ގިނަ މީހުން އެމީހުންގެ ގިނަ ހުސް ވަގުތުތައް ހޭދަކުރާ ސޯޝަލްމީޑިއާގެ ޕްލެޓްފޯމްތައް ވަދެ ހާވާލިޔަސް ހޯދަން އުޅޭ މައުލޫމާތެއް ނިކަން ފަސޭހައިން ލިބިދާނެ އެވެ.
އެހެންވެ ދުވަހަކު ބަދިގެއަށް ނުވަންނަ މީހަކަށް ވެސް މިހާރު ކެއްކުން ވެސް ބޮޑުކަމަކަށް ނުވާނެ އެވެ. އިންޓަނެޓުގައި ޖަހާލުމާ އެކު ރެސިޕީތައް އެޔޮތީ ފެންނާށެވެ. ލޯކަލް ރެސިޕީތައް ވެސް ބައިވަރެވެ. އިންސްޓަގްރާމާއި ފޭސްބުކް ހާވާލިޔަސް ފުޑް ބްލޮގަރުން ބައިވަރެވެ.
މި މީހުން ފޮލޯކޮށްލައި އެ އެކައުންޓްތަކުގައި ހުރި ޕޯސްޓުތައް ކިޔާލާށެވެ. ދިވެހިންނާ ގުޅޭ ރެސިޕީތައް ބައިވަރެވެ.
އަނެއް ފައިދާ އަކީ މިއަދު ކައްކާނީ ކޯއްޗެއް ކަމެއް ވެސް ނޭނގިގެން އުޅޭކަށް ނުޖެހޭނެ އެވެ. ނުލާހިކު ރީތި ފޮޓޯތަކުން ކުޅުދިޔާކޮށްލައި އެއިން އެއްޗެއް ނުކައި ފަރުނުޖެހޭ ވަރުވާނެ އެވެ. ލޯކަލް ރެސިޕީތައް ހޯދަން ބޭނުމިިއްޔާ މި އެކައުންޓުތައް ފޮލޯކޮށްލާށެވެ.
ސާ ސަމާހަތު
ލޮނުމެދު އެމްވީ
ރިފޫސް ކުސީނާ
ދީމާ
ޝެފްގޭމްސްޓްރޯންގް
ޝެފްމީސް ޓްރައިބް
ފަޒްމީނާ
