މި ހުނަރުވެރި ކުރެހުންތެރިޔާ ގެންގުޅެނީ "އެސެމިކް" ނުވަަތަ "ކެލިގްރެފިޓީ" ނަމަަކަށް ކިޔާ ކެލެގްރަފީ ސްޓައިލެކެވެ. ވަށްކޮށްދާ ރޮނގުތަކަކުން ބުނެދޭން ނޭނގޭ ކަހަލަ ބޮޑެތި، މާނަ ފުން ވާހަކަތަކެއް ކިޔައިދޭން އުޅޭ އިހްސާސްތަކެއް މި ކުރެހުންތަކުން ދައްކުވައިދެ އެވެ.
އަމިއްލަ ދިވެހި އާޓިސްޓުންނަށް ސަޕޯޓުކޮށް ކުރެހުމެއް ބޭނުންވާ މީހަކަށް ނާޖިހް ވަނީ މީގެ ކެލިގްރަފިޓީ ކެންވަސް ކުރެހުމެއް ރާޅުގަނޑުގެ ފާރެެއްގައި ހިއްޕާލާތަނުގެ ވީޑިއޯއެއް އޭނާގެ ޕޭޖަށް ލުމަށް ފަހު މި ބޭނުންވާ މީހަކު ނަގައިގެން ގެންދަން ބުނެފަ އެވެ.
މި ކަމުގެ ފަހަތުގައި ވަނީ އުފާވެރި މެސެޖެއްކަން "ދޯ" އަށް އޭނާ ކިޔައިދިނެވެ.
"އަދި ކިރިޔާ އަހަންނަށް ރަނގަޅު އާމްދަނީއެއް މި ލިބެނީ އާޓް މިއުރަލް އަދި ކުރެހުންތައް ކުރަހައިގެން. އެހެންވެ ބޭނުންވަނީ ކޮންމެވެސް ގޮތަކަށް މި އުފާވެރިކަން އެހެން މީހުންނާ ވެސް ހިއްސާކޮށް މީހުންނަށް އަހަރެން ފަރާތުން އަނބުރާ އެއްޗެއް ދޭން. ތަންކޮޅެއް މަޖާކޮށް އެކަންކޮށްލަން ސްކެވެންޖާ ހަންޓެއް ގޮތަށް ޕެއިންޓިންތައް މި ދެނީ."
ކުޑަ އިރު ކޮޅެއްގެ ތެރޭގައި މި ކުރެހުމުގެ ނަސީބުވެރިޔާއަށް ވަނީ ކުރެހުން ލިބިފަ އެވެ. ކުރިއަށް ހުރި ދުވަސްތަކުގައި "އައި އޭމް އާތްލިންގް" ޕޭޖު މެދުވެރިކޮށް އިތުރު ކުރެހުންތައް މިގޮތަށް ދޫކޮށްލާނެ ވާހަކަ އޭނާ ހިއްސާކުރި އެވެ.
