އާސިޔާ އާ ކުރަން ބޭނުންވާ ސުވާލެއް އޮތް ނަމަ، ތިރީގައި އޮތް ކޮމެންޓް ބޮކްސްގައި ލިޔެފައި ފޮނުވާށެވެ.

މިއީ، މިއަދުގެ ތިން ސުވާލާއި އޭގެ ޖަވާބުތަކެވެ. ކޮންމެ ދެ ދުވަހަކުން އެއް ދުވަހު ތިން ސުވާލަކައިގެން އާސިޔާ ބައްދަލުކުރާނެ އެވެ.

ހަކުރު މައްޗަށް ނުދާނަމަ ކޮންމެ ދުވަހަކު 1 ކުރުނބަލަށް ވުރެ ގިނަ ނުވާ މިންވަރަކަށް ކުރުނބަލާއި ހެވާ ބޭނުންކުރުން ގޯހެއް ނޫން. ނަމަވެސް ހަކުރު މައްޗަށް ދާނަމަ މާބަނޑު މީހުން މި ބާވަތްތަކުން ދުރުވެލުން މުހިއްމު.

ރޯދަމަހު މާ ބޮޑަށް ބަރުދަން ލުއިވާ ނަމަ ރޯދަ ވިއްލުމާއި ހާރާ ދެމެދު އިރުއިރުކޮޅުން ކޮންމެވެސް އެއްޗެއް ކާލާނީ. އަދި ކެއުމުގައި ނަޓްސް ފަދަ ތަކެތި ހިމަނާނީ. އަދި މައިގަނޑު ކެއުންތަކަށް ސަމާލުކަން ދޭނީ. މާ ބޮޑަށް ބަރުދަން ލުއިވާ ނަމަ (ހަފްތާއަކު ކިލޯއެއްވަރު ނުވަތަ ގިނައިން) ޑައިޓީޝަނަކާ ކޮންސަލްޓް ކުރައްވާނީ.

ހަކުރު ބަލީގެ މީހުން ފުރަތަމަ ރޯދަ ވިއްލާ އެއްޗެއްގެ ގޮތުގައި ކުރުނބާ ފެން ތައްޓެއް ބޯލުން ގޯހެއް ނޫން. ނަމަވެސް ހަކުރު ބަލީގެ މީހަކު ހަކުރު ކޮންޓްރޯލް ނުވެ ހުއްޓަ ރޭގަނޑުގެ އެހެން ގަޑިތަކުގައި ކުރުނބާފެން ބުއިން ރަނގަޅެއް ނޫން.