މި އޮތީ ރާއްޖޭގައި އާންމުކޮށް ބުޅަލަށް ކިޔާ އުޅޭ ނަންނަމުގެ ލިސްޓެކެވެ. ބުޅާ އޮޅުކޮށްގެން ގެންގުޅޭ މީހުން އެއަށް ހާއްސަ ނަމެއް ކިޔަ އެވެ. މި ގޮތަށް ކިޔާ ނަންނަމަށް ބުޅާތައް ވެސް ތިބެނީ ފަރިތަވެފަ އެވެ. އެ ނަމަކުން ގޮވީމާ، އެ ގޮވަނީ އެސޮރަށް ކަން އެނގެ އެވެ.

ނަން ކިޔުމުގައި ބަލަނީ އެ ބުޅާ ގެންގުޅޭ މީހާ އަށް ރީތި ނަމެކެވެ. ބުޅަލުގެ ވެރިޔާ ބަދަލުވިޔަސް، އެންމެ ފުރަތަމަ އެޔަށް ކީ ނަން ހަމަ އެގޮތުގައި ބާއްވަން ޖެހެ އެވެ. ބުޅާ ގެންގުޅޭ މީހުން ބުނަނީ އެއީ އާ ނަމެއް ކިޔަން ވެއްޖެ ނަމަ އެއަށް އޮޅުން އަރާތީ ކަމަށެވެ.

ބިސްމާ، ބުސް، ކަމަނަ އަދި ސިންހޫތު އަކީ ވެސް ދިވެހި ބުޅަލަށް ކިޔާ ނަންނަމެވެ. މިހެން ގޮސް މި ލިސްޓު ވަރަށް ދިގު ވާނެ އެވެ. އާންމުކޮށް ބުޅަލަށް ކިޔައި އުޅޭ ނަންނަމަކީ ކޮބައިތޯ އެހީމާ، އެކި މީހުން ފޮނުވި ނަންތައް ފުރާނާލައިގެން ހޮވާލެވުނު އެންމެ އާންމު ނަންތަކަކީ މިއީ އެވެ؛

1. ސްނޯ

2. ބްލެކީ

3. ލިއޯ

4. ސިމްބާ

5. ފްލަފީ

6. ޕޫކީ

7. ލޫސީ

8. އޮޒީ

9. ފަޒީ

10. ލިލީ

ސްނޯ އާންމުކޮށް ކިޔައި އުޅެނީ ހުދު ބުޅަލަށެވެ. ބައެއް ހުދު ބުޅަލަށް ސްނޯއީ ވެސް ކިޔަ އެވެ. މީހުން ފޮނުވި އިތުރު ނަންތަކުގެ ތެރޭގައި ބުސްބެ، ބިސް، ބޫ، ޕޫޕްސީ، ކޫޗީ ކުޑީ، ބެބޫން، އަހުނިސާއު އަދި ކިޑޯ ކަހަލަ ނަންނަން ވެސް ހިމެނެ އެވެ.

މިފަހުން ސައިންސްވެރިން ހެދި ދިރާސާއަކުން ހާމަވި ގޮތުގައި ބުޅަލަށް ވަކި ހާއްސަ ނަމަކުން ގޮވީމާ އެއަށް ފާހަގަކުރަން އެނގެ އެވެ. ނަމަވެސް އެ ބުޅަލުގެ ވެރިޔާ ނޫން މީހަކު އޭނާގެ ނަމުން ގޮވިޔަސް މާ ބޮޑު ފަރުވާލެއް ނުބަހައްޓާ ކަމަށްވެ އެވެ. އެކަމަކު މީހަކު ގޮވާކަން އެސޮރަށް ރަނގަޅަށް އެނގޭނެ އެވެ. އެސޮރު އަޅާނުލަނީ އެވެ.

މި ނޫނަސް ތަފާތު އެކި ނަންނަން ކިޔާ ބުޅާތައް އަދިވެސް އުޅޭނެ އެވެ. ނަންތައް ކޮމެންޓްގައި ފޮނުވާށެވެ.