މީހުން މޫދަށް އެރެން ގޮސް އުޅޭ ހިސާބުގައި، ރަށުގެ ތިލަފަޅު ތެރޭ މި ކަހަލަ އުނދޯލިތައް ވަރަށް ގިނަ ރަށްރަށުގައި މިހާރު އެބަ ހުއްޓެވެ. މީގެ އުނދޯންޏަކަށް އަރައިލަން އެންމެ ފުރަތަމަ ފުރުސަތެއް ލިބުނީ މާލެ އަތޮޅު ގުޅި އަށް ކުރި ދަތުރެއްގަ އެވެ. އެއް ހަރުގައި ދެ އުނދޯލި ހަރުކޮށްފައި ހުރިިއިރު، އޭގެ މަތީގައި ރަށުގެ ނަމާ އެކު "އައި ލަވް ގުޅި" ލިޔެފައި އޮތެވެ. އެ އުނދޯލީގައި ފޮޓޯއެއް ނަގަން ބޭނުންވެގެން ކިއުގައި ޖެހިގެން ވެސް ވަރަށް ގިނަ މީހުން މޫދުގައި ތިއްބެވެ.
ރަށުގެ ރަމްޒެއް ނުވަތަ ލޭންޑްމާކެއްގެ ގޮތުގައި ދެކޭ މި އުނދޯލިތަކުގައި ފޮޓޯއެއް ނަގައި، އިންސްޓަގްރާމް ނުކޮށްފި ނަމަ އެ ރަށަކަށް ދެވުނު ކަމަކަށް ވެސް މިހާރު ނުވެ އެވެ.
ބައެއް ރަށްރަށުގައި މޫދުގެ އިތުރުން އެއްގަމުގައި ވެސް މި ގޮތަށް އުނދޯލިތައް އެލުވާފައި އެބަ ހުއްޓެވެ. އުނދޯލީގެ އިތުރުން ލޭންޑްމާކެއްގެ ގޮތުގައި ބޭނުންކުރެވޭ އެހެއް އެއްޗެހިން ވެސް ރަށުގެ ނަން ދިރުވަ އެވެ. އެކަމަކު ގިނަ މީހުނަށް ކަމުދަނީ މި އެވެ. އެހެންވީމާ، އަހަރެމެން ވެސް މި ބެލީ މި ކަހަލަ އުނދޯލިތައް ހުރި ބައެއް ރަށްރަށުގެ ކުޑަ ލިސްޓެއް ތައްޔާރުކޮށްލެވޭތޯ އެވެ؛
ކ.ގުޅި
އއ.ތޮއްޑޫ
ކ.ތުލުސްދޫ
ށ.ކުޑަފަރު
އއ.ރަސްދޫ
ކ.ދިއްފުށި
އދ.ދަނގެތި
ލ.ގަން
