ދުވަހުގެ ބުރަ ވަޒީފާގައި އުޅެމުން ވެސް މަރިޔަމް އަޝްފާ އޭނާ އެންމެ ގަޔާވާ މަސައްކަތުން އަތް ދޫކޮށެއް ނުލަ އެވެ. އުމުރުން 26 އަހަރުގެ މި ޒުވާނާ ވަނީ "ލެވެލިއާ"ގެ ނަމުގައި އަމިއްލަ ބްރޭންޑެއް އުފަންކޮށްފަ އެވެ. އެއީ އޮރިޖިނަލް، ލޯކަލް ގަހަނާ ބްރޭންޑެކެވެ. މި ނަމުގައި އޭނާ ހިންގާ ފޭސްބުކް ޕޭޖުން ފެންނަނީ އުފެއްދުންތެރި މަސައްކަތްތަކެވެ.

އަޝްފާއަކީ ރާއްޖޭގެ ގޮނޑުދޮށްތަކާއި މޫދުގެ ވަރަށްބޮޑު ފޭނެކެވެ. އޭނާގެ އެކުވެރިން ބުނާ ގޮތުގައި އަޝްފާ ދަތުރެއް ދިޔަ ކަމުގައި ވިޔަސް އުޅޭނީ ބޮލިހޮވައިގެން އެއިން ކޮންމެވެސް ކަހަލަ ކްރިއޭޓިވް ކަމެއް ކުރެވޭތޯއެވެ. މި ލޯބީގައި އުޅެމުން އަޝްފާ ކުރަން ފެށި މަސައްކަތުގެ ވާހަކަ ކިޔާލަން ހިނގާށެވެ.

އެންމެ ކުޑައިރުން ފެށިގެން އަޝްފާގެ އިންޓްރަސްޓް ހުންނަނީ ކޮންމެވެސް ކަހަލަ ކްރިއޭޓިވް ކަމެއް ކުރަން. އެއްޗެހި އެއްކޮށްގެން ހެދުމުގެ ތެރޭގައި މިނާ ކަހަލަ ސާމާނު އެއްކުރެވެން ފެށީ. ހަނދާންވާގޮތުގައި ގްރޭޑް އެކެއްގަ އުޅުނު އިރު ވެސް އަމިއްލަޔަށް ރީތިވެލަން ޖުވެލަރީސް ހަދައިގެން އަޅައިގެން އުޅެން.

އެއްގޮތަކަށް ވެސް ހަނދާނެއްނުވޭ އެއްވެސް އިރެއްގަ މީހަކު ފޮލޯކުރަން އުޅުނު ހަނދާނެއް. އެޔަށްވުރެ ބޮޑަށް ބޭނުންވީ އަމިއްލަ އައިޑެންޓިޓީއެއް އުފައްދަން އެއަށް މަސަތްކަތްކޮށް މި ދާއިރާއިން އެހެން މީހުން ފޮލޯކުރާނެ ވަރުގެ މީހަކަށްވާން. އެހެންވީމަ އިންސްޕިރޭޝަން ހޯދަނީ އަޝްފާގެ އަމިއްލަ ދިރިރުޅުމުން.

އާބަން ޑިކްޝަނަރީން ލެވެލިއާގެ މާނައަކީ އެކި ކަހަލަ ގަހަނާ. ކިޔާނެ ނަމެއް ހޯދަން ބެލިއިރު މަސައްކަތާ ގުޅިފަ އަޑުއަހާލަން ވަރަށް ރީތިވީ.

"ކިޑްސް ކްރާފްޓީ ކްލަބް" ގެ ނަމުގައި ބަންދުތެރެއާ ދިމާކޮށް މިހާރުވެސް މިދަނީ ފަސް އަހަރާއި ބާރަ އަހަރާއި ދެމެދުގެ ކުޑަކުދިންނަށް ކްލާސްތަކެއް ނަގައިދެމުން. މިއީ ރައްޓެއްސަކާ ދެމީހުންވެގެން ކުޑަކުދިންނަށް މި ހުނަރުތައް ދަސްކޮށްދޭން ވެގެން ހިންގާ ކްލާސްތަކެއް.

ހުރިހާ އެއްޗެއް ވެސް ހުންނާނީ ރާއްޖޭން ބޭރުން ގަނެފަ. ނުދެވޭ ފަހަރަކު ވިއްޔާ އޮންލައިންކޮށް އޯޑަރުކޮށްގެން ގެންނަނީ އެއީ މިކަމަށް ބޭނުންވާ ހުރިހާ ސާމާނެއް އަސްލު މާލެއަކުން ލިބޭކަށް ނުހުރޭ.

ޕޭޖުން ފެނިގެން އެ ދަނީ އަޝްފާ ހަދާ ވަރަށް މަދު ޕްރޮޑަކްޓްތަކެއް. ވޯލް ހޭންގާސް، ޑްރީމް ކެޗާސް، ކަންފަތުގައި ލައި އެކި ކަހަލަ އެއްޗެހި އަދި ބެއާފޫޓް ސެންޑަލްސް މިހާރު ވެސް އޯޑަރުތަކަށް ހަދައިދޭން.

ފުލްޓައިމް ކެރިއާއެއްގެ ގޮތުން މިކަން ކުރަން ބޭނުންވިޔަސް ރާއްޖޭގެ ލިވިން އެކްސްޕެންސް ބޮޑު ކަމުން ހިޔެއްނުވޭ ހުސްއެކަނި މިކަން ކޮށްގެން ރަނގަޅު އާމްދަނީއެއް ލިބޭނެހެން. މިވަގުތު މިކަން ކުރަނީ ފުލް ޓައިމް ޖޮބެއްގަ އުޅެމުން ލިބޭ ހުސްވަގުތު. މިއީ އަސްލު އަޝްފާގެ ޕެޝަން.

2014 ވަނަ އަހަރު ޗާންްސެއް ލިބުނު ޗައިނާގަ ބޭއްވި "ކުންމިން ފެއާ" ގައި އަޝްފާގެ މަސަތްކަތްތައް ދައްކާލަން. ދެކެން ބޭނުންވަނީ މިކަހަލަ ގޮތްގޮތަށް އަދިވެސް ބޭރު ގައުމުތަކުގައި މި މަސަތްކަތްތައް ދައްކާލައި އަދި ދުނިޔޭގެ އެކި ގައުމުތަކުގައި އުޅޭ މީހުން ލެވެލިއާ ބްރޭންޑްގެ ގަހަނާތައް ބޭނުންކުރާނެ ދުވަހެއް ދެކެން.