މުނިފޫހިފިލުވުމުގެ ދާއިރާގައި މުސްކުޅި ނުވި އަޑަކީ އަދި ސްޓައިލަކީ ވެސް މިއީ އެވެ. އަބަދަށް ފެހި ރާފިޔަތޭ އެންމެން ކިޔަނީ ސަބަބުތަކެއް ހުރެގެންނެވެ. އެކަމަކު ރާފިޔަތު ބުނަނީ އޭނާގެ ރީތިކަމާއި ހިތްގައިމު ސްޓައިލްގައި މާ ބޮޑު ސިއްރެއް ނެތް ކަމަށެވެ. އެކަމަކު ރެޑް ކާޕެޓް ހަފުލާއެއްގެ ކުރިން އެ ހަފުލާއަކަށް އޭނާ ތައްޔާރުވާ ގޮތާއި ރީތިވުމަށް ގެންގުޅޭ ސްޓައިލްތަކަށް ބަލައިލަމާ ހިނގާށެވެ. މި އިންޓަވިއުގައި ރާފިޔަތު ކިޔައިދޭނީ ރެޑްކާޕެޓް ހަފުލާއަކަށް ނުވަތަ އެނޫން ވެސް ހަފުލާއަކަށް އޭނާ ތައްޔާރުވާގޮތާއި އެ ހަފުލާގެ ކުރިން ވިސްނުމާއި ސްޓައިލް ގެންގުޅޭ ގޮތެވެ.

"އެންމެ ފުރަތަމަ އެ ހަފުލާއަކަށް ދައުވަތު ލިބުނީމަ ޝުކުރު އަދާކޮށްލެވެނީ. ދެން ވިސްނެނީ ހަފުލާ އަށް ދާން ޑްރެސްއަޕްކުރާނެ ގޮތަކާ މެދު. ހެދުން އަޅާއިރު ވިސްނަންނީ ޑީސެންޓްކޮށް އަދި އަމިއްލަ އަށް ވެސް ކޮމްފޯޓަބްލް ގޮތަކަށް ހެދުން އަޅަން."

"އަޅުގަނޑު އިސްކަން ދެނީ މޭކަޕަށް ވުރެން ހެދުމަށް."

"އެންމެ ފުރަތަަމަ ވެސް ލާނެ ހެދުމަކާ މެދު ވިސްނާފަ ގުޅަނީ އަޅުގަނޑުގެ ޑިޒައިނަރު ޝަމް އަށް. ޝަމްލާއާ ޑިސްކަސްކޮށްފަ، އެ ހަފުލާއަކާ އެންމެ ގުޅޭ ގޮތަކަށް ހެދުން އަޅަން މަސައްކަތްކުރަނީ."

"ޑިޒައިނަރު (ޝަމްލާ) އާ ޑިސްކަސްކޮށްފަ ބޮޑަށް އޭނަގެ ހިޔާލު ހުންނާނީ. ޑިޒައިނާއެއް ވީމަ ބޮޑަށް އެކަހަލަ ކަންކަމުގައި ދޫކޮށްލަނީ އޭނަ އަށް. ވަރަށް ގިނަ ދުވަހު އެކުގައި މަސައްކަތްކުރީމަ ޝަމް އަށް އެނގޭނެ ހަފުލާތަކަށް ދާން އަޅުގަނޑު ޑްރެސްއަޕްކުރާ ގޮތް ވެސް. މިހެން ބުންޏަސް ރާވީގެ އޮޕީނިއަން ވެސް ދެން. ޝަމް އަށް ވެސް އެނގޭނެ ރާފީ ބޭނުންވާ ގޮތް. މޭކަޕް އާންމުކޮށް ކުރާ ރިޒް އަށް ވެސް އެނގޭނެ ބޭނުންވާ ގޮތް."

"އަދި ނުލިބޭ އެކަހަލަ ފުރުސަތުތަކެއް އެކުގައި މަސައްކަތްކޮށްލާކަށް. ހެދުން ޑިޒައިންކުރަން ވެސް މޭކަޕްކުރަން ވެސް ނެތް އެކަހަލަ ފުރުސަތެއް ލިބިފައި. އެކަމަކު ރިއްފަތު އާއި ނާޒިއާ އަކީ އަޅުގަނޑު ފާހަގަކޮށްލަން ބޭނުންވާ ދެ ޑިޒައިނަރުން. އެއީ އެމީހުންގެ ހެދުންތައް ވެސް ވަރަށް ޑީސެންޓްކޮށް ހުންނަނީ. ކޮންމެ މީހަކު ފެހިޔަސް ޑީސެންޓްކޮށް ހުންނަ ނަމަ އަޅުގަނޑަށް ވަރަށް ކަމުދޭ."

"މިސާލަކަށް މާދަމާ އޮންނަ އިވެންޓަކަށް މިއަދު ގުޅިޔަސް ބަރާބަރު ގަޑިއަށް ހެދުން ތައްޔާރުކުރެވޭ. މިހާތަނަށް އަބަދުވެސް ގަޑިއަށް ހެދުން ނިމިގެން ލިބޭ. އެއް ދުވަސް ދެ ދުވަސް ކުރިން ވެސް ލިބިފައި އެބަހުރި."

"ކޮންމެވެސް ވަރަކަށް ފީލްވޭ."

"މޭކަޕަށް ދަނީ އިވެންޓަށް ދާން އޮންނަ ގަޑީގެ ވަން އެންޑް ހާފް އަވާސް ކުރިން. އަޅުގަނޑަކީ ހެއާ އަށް ވެސް މާ ބޮޑެތި ގޮތްތަކެއް ހަދާ މީހެއް ނޫންވީމަ ހެއާ އަށް ވެސް އާންމުކޮށް އެއްގަޑިއިރު ދާނީ."

"ލައިވް ޕާފޯމަންސެއް ދޭން ޖެހޭ ހަފުލާއެއް ނަމަ ވީހާ ވެސް ބޮޑަކަށް އަޑަށް ރެސްޓް ދެވޭތޯ ބަލަނީ. ލައިވް ޕާފޯމަންސެއް ނަމަ އިވެންޓްގައި ލާނެ ހެދުން ވެސް އެއް ދުވަސް ކުރިން ނިންމާ ތައްޔާރުވަން. ވަރަށް ރިލެކްސްކޮށް އުޅެލަން ބޭނުންވަނީ ޕާފޯމްކުރަން ޖެހޭ ދުވަހު."

"މިހާތަނަށް އެކަހަލަ ހުރިހާ އިވެންޓްތަކަކުން ވެސް ލިބިފައި ހުރީ ވަރަށް ޕޮޒިޓިވް ކޮމެންޓްސް. އެންމެ ފުރަތަމަ ވެސް ކޮމެންޓްސް ލިބޭނީ ހެދުމަށް. ހެދުން ޑީސެންޓް ކަމަށް ބުނާ ކޮމެންޓްސްތައް ލިބޭނީ ފުރަތަމަ ވެސް. އެއީ ވަރަށް އުފާވާ ކަމެއް. ހަފުލާ އަށް ރީތިވެގެންދާއިރު ވެސް އަޅުގަނޑަށް އޮވޭ ޔަގީންކަން ނެގެޓިވް ކޮމެންޓްސް ނާންނާނެކަމުގެ."

"ހަފުލާ އަށް ދާން ބޭނުންކުރާ ވޯޑްރޯބް އެ ހަފުލާއެއް ނިމުނީމަ ޑްރައިކްލީންކޮށްފައި ވަރަށް ރީއްޗަށް ޕެކްކޮށްފައި މިހާތަނަށް ހުރިހާ ހެދުމެއް ވެސް ހުންނާނެ ބަހައްޓާފައި އަދި ހަމަ. މިހާރު ވަރަށް ބައިވަރު ވެސް ވެއްޖެ، ތަންކޮޅެއް އުނދަގޫ ވެސް މެ ގެންގުޅެން ވެސް. އެކަމަކު ހުންނާނެ އެ އެއްޗެހިތައް ރީއްޗަށް ބަހައްޓާފައި. ވަރަށް ގިނަ މީހުން އަހާ ވިއްކަން ވެސް. އެކަމަކު ވެސް އަޅުގަނޑު ބޭނުންވަނީ ބަހައްޓަން އަދި. ބޮޑެތި އިވެންޓްތަކުގައި ބޭނުންކުރި ހެދުންތަކާ އެކު ގާތްގަނޑަކަށް 50-60 ހެދުން އޮންނާނެ ހެން ހީވަނީ. ބޮޑު ދެ ފޮށި ފުރެން ދެން އެބަހުރި ހެދުންތައް. ބައެއް ހެދުންތައް ހުންނާނެ ފެމިލީގެ އެހެން ކުދިން ހަފުލާތަކަށް ދާން ގެންގޮސްފައި ވެސް."

"މިހާރު ދެން ވަރަށް ދިމާނުވޭ. އެކަމަކު ކުރީގައި ނަމަ ލައިވް ޝޯތަކުގައި ވެސް ލިޕްސިންކްކުރޭ. މިހާރު ހުރިހާ ހަފުލާތަކެއްގައި ވެސް ލައިވްކޮށް ހުށަހަޅައިދޭނީ. ކުރިން އެގޮތަށް ލިޕްސިންކްކުރާއިރު ލަވައާ އަނގަ ދިމާނުވެ ހިނގައިދާނެ ކަހަލަ ކަމެއް ވެދާނެތީ ވަރަށް ވިސްނައިގެން ހުންނަން ޖެހެނީ. އެކަހަލަ އިވެންޓްތައް އޭރުގަ ކުޑަކޮށް އަންކޮމްފޮޓަބަލް. އެބަހުރި އަނގައާ ލަވަކިޔުމާ ދިމާނުވެފައި ވެސް."