ކުޑަ މެދުކެނޑުމަކަށްފަހު އެނބުރި އައީ ވެސް "4426" އެކޭ ކިޔުނު ބިރުވެރި ފިލްމަކާ އެކުގަ އެވެ. އޭގެފަހުން ވެސް ނަހޫ ސްޓައިލްގެ އަސަރުގަދަ ލޯބީގެ ފިލްމެއް ގެނެސް ނަހުލާގެ ހުނަރު އަނެއްކާ ވެސް ދައްކާލީ އެވެ. މިހާރު އުޅެނީ ރާއްޖޭގައި ހަދާ ފުރަތަމަ ވެބް ސީރީޒް "ހުވާ"ގެ މަސައްކަތް ފަށައިގެން ވަރަށް ވެސް ބުރަކޮށެވެ.
1. ނަހުލާގެ ތި ކާމިޔާބީގެ ސިއްރަކީ ކޮބާ؟
"އެއީ އެއްވެސް ކަމެއް އެންމެ ޕާފެކްޓް ނުވަނީސް ދޫކޮށްނުލާތި މީހުންނާ ހަވާލުކޮށްފަ ވެސް. އެކަމެއް ދަނީ ހަމަ އެންމެ ރަނގަޅަށްތޯ ބަލައި ގިނަ ފަހަރަށް ގިނަ ކަންތައްކުރަނީ އަމިއްލައަށް."
2. ނަހުލާ ބޭނުންވަނީ ނަހުލާގެ ފިލްމުތައް ބަލައިގެން މީހުން ރޮއްވަންތަ؟
"އުހުން ރޮއްވަން ބޭނުންވަނީއެއް ނޫން އެއީ އެއެއްޗެއްގަ ހުންނަ އަސަރު އަންނަ ގޮތަށް އައީމަ ދެން އޭގަ ދެރަވާ އެއްޗެއް އައިއްސިއްޔާ ރޮވޭނެއް ނުން. އެއީ ވާގޮތަކީ."
3. "ބޮސް"ގައި ޔުނާން ދެއްކި އެކްޓިން އަށް އެހާ ވަރަށް ތައުރީފްކުރި. އެކަމަކު ފަހުން ނަހުލާ އިއުލާނު ކުރި އެއްވެސް ޕްރޮޖެކްޓެއްގައި ޔުނާން ބައިވެރި ނުކުރީ ކީއްވެ؟
"އެއީ އެންމެފަހުން ޕްރޮޖެކްޓަކަށް އިންނާނީ މި ޑްރާމާ ސީރީޒް. މި ޑްރާމާ ސީރީޒަކީ ވަރަށް ބޮޑު އެއްޗެއް. ޔުނާނަކީ ބިޒީކޮށް އޮފީހުގަ އުޅޭ މީހެއް. އެހެންވީމަ ޔުނާނަށް އޭގަ ބައިވެރިނުވެވުނީ. ދެން އެ އިރެއްގަ އެ މީހަކަށް ގުޅޭ ރޯލެއް ދޯ އެމީހަކަށް ކުޅެވޭނީ."
ފިލްމް "ބޮސް" ލޯންޗް ކުރުމަށް އޮލިމްޕަހުގައި ބޭއްވި ހަފުލާގައި ޕްރޮޑިއުސަރު ނަހުލާ(ވ)، ބަތަލާ އައްޒަ (މ) އަދި ފިލްމުގެ ޑައިރެކްޓަރު ރިޝްމީ ބައިވެރިވަނީ.-- ފޮޓޯ: ހުސެން ވަހީދު/ މިހާރު
4. "4426" އަށް ފަހު ނަހުލާ އިއުލާނުކުރި "ބީ"ގެ މަސައްކަތް އޮތީ ކިހާ ހިސާބަކު؟
"އޭތި އިރާދަކުރެއްވިއްޔާ މި އަންނަ އަހަރު ތެރޭގައި މަސައްކަތް ފަށާނަން."
5. ފިލްމު އިންޑަސްޓްރީގައި ނަހުލާ ތިހުރި ހިސާބު އަމިއްލައަށް ސިފަކުރާނީ ކިހިނެއް؟
"ފިލްމު އިންޑަސްޓްރީގައި މި ހިސާބުގައި ހުންނަތާ ވަރަށް ޒަމާންވެއްޖެ ދޯ އިރާދަކުރެއްވިއްޔާ އެއްވަރެއްގައި. ނުކުތީއްސުރެ ހަމަ އެއް ހިސާބެއްގައި މި ހުންނަނީ ހަމަ އެންމެ ރަނގަޅު ހިސާބުގައި މި ހުރީ ދެން."
6. ދެން ނަހުލާގެ ހުރިހާ ފިލްމެއްގައި ވެސް އުޅޭނީ އައްޒަތަ؟
"އައްޒަ ވާގޮތަކީ ގެންގުޅެން ވަރަށް ފަސޭހަ. އަމިއްލައަށް ޓައިމް ދޭން. ޓައިމް ހޯދައިގެން މަސައްކަތްކުރަން އުޅޭނެ. އަނެއްކާ އަހަރެންނަކީ ވަރަށް ހާޑުކޮށް މަސައްކަތްކުރާ މީހެއް. އެ ދުވަސްކޮޅެއްގައި ވަރަށް ހާޑުވާނެ. އެހެންވެ 'ބޮސް'ގައި ޖެހުނު 10 ވަރަކަށް 11 ވަރަކަށް ދުވަހު އައްޒައަށް އެންމެ ގަޑިއެއްގެ އިރު ނިދާލައިގެން އެހެން ހުންނަން ވެސް. ހުސް އަންހެނަކަށް އައްޒަ އެކަނި އެބައިގައި އުޅުނީ. އެކަމަކު އައްޒަގެ ނޯންނާނެ އެއްވެސް ޝަކުވާއެއް. ދެން އަނެއްކާ ޝޫޓިން ޑިލޭ ކުރަން ނޫނީ މޭކަޕް ގަޑި ޑިލޭކުރަން ނޫނީ ފެންވަރަށް ނޫނީ ބޮޑާހޭކުމެއް ނޯންނާނެ. ދެން އޭގެ ތެރެއިން އައްޒަ އޭނަގެ އޯން ޓައިމް ހޯދާނެ. ހޯދައިގެން މޭކަޕަށް ވެސް ގިނަ ޓައިމް ދަންޏާ އޭނަ އަމިއްލައަށް ޓައިމް ހޯދައިގެން ޓައިމް ދޭނެ. އެހެންވީމަ އައްޒަ ވަރަށް ފަސޭހަ ގެންގުޅެން. އެހެންވެގެން. ކުރިން އެންމެ ފަސޭހައީ ޝިރާނީ ގެންގުޅެން ދެން ހަމަ އެކަހަލަ އަނެކަކު އައްޒަ."
7. "4426" އަށް އެވޯޑް ނުލިބުނީ ޖަޖުން ޒާތީ ވެގެންނޭ ނަހުލާ ބުނި. ހަމަ އަސްލު ވެސް އެވޯޑެއް ނުލިބުނީ ޖަޖުން ޒާތީ ވެގެންތަ؟
"އާން އެކަން ސާބިތުވެފައެއްނު އޮތީ. އޭގަ ޖަޖިން ޝީޓް ނުކުތެއްނު އޭގަ ތެރެއިން އެއް ޖަޖަކު އިނީ ހަމަ ޓެން އަކުން ވަން ނޫނީ ޒީރޯ ޕޮއިންޓް ޒީރޯ ޕޮއިންޓް ޒީރޯ ޕޮއިންޓް ވަން ދީފަ ހުރިހާ އެއްޗަކަށް ވެސް 4426ގެ. އެހެން ޖަޖުންތައް މާމަތިން ދީފަ ހުއްޓަސް. އެކަމަކު ކަލްކިއުލޭޓް ކުރާއިރު އެންމެ ޖަޖަކާހުރެ ހަމަ މުޅި އެތި ވެއްޓޭނެއެއްނު. މީ އެވޯޑް ނުލިބިގެން ނުޖައްސަން މައްސަލައެއް. ނޮމިނޭޓް ނުވީމަ މައްސަލަ ޖެއްސީ."
8. ފިލްމުތަކުގައި ވަރަށް ސީނިއާ އެކްޓަރުންނާ ތަންކޮޅެއް ޖޫނިއާ އެކްޓަރުން ވެސް އެބައުޅޭ. އެ ހުރިހާ އެކްޓަރުންގެ އެންމެ ބެސްޓް ޕާފޯމަންސް ނެރެން ނަހުލާ މަސައްކަތްކުރާ ގޮތް ކިޔައިދީބަލަ.
"މާބޮޑު މަސައްކަތެއް އަސްލު ކުރާކަށް ނުޖެހޭނެ. ހަދާ އެއްޗަކީ އަޅުގަނޑު ސީދާ އެކްޓްކޮށްފަ ބުނެދެނީއެއް ނޫން. އެމީހެއްގެ ހުންނަ އެކްޓް އަޅުގަނޑު ކިޔާލަދޭނީ ފުރަތަމަ އެމީހަކު އެކްޓުކުރާނީ. އެމީހުން އެކްޓްކުރީމަ އެ އެތިން އަޅުގަނޑު ނެރެނީ އެމީހަކާ ގުޅޭ އެމީހަކަށް ހެދޭނެ އެ އެކްޓެއް އެއަށްވުރެ ތަންކޮޅެއް ސަޅިކޮށްލާ މޮޅުކޮށްލަނީ އަޅުގަނޑު ބޭނުންވާ ގޮތަށް ހަދާލަނީ. އެހެންވީމަ އެމީހުންނަށް ވަރަށް ފަސޭހަވާނެ އަޅުގަނޑާ އެއްކޮށް އެކްޓްކުރަން. ބައެއް ޑައިރެކްޓަރުންނަކީ އަމިއްލައަށް މިހެން ހަދާށޭ ކިޔައި އެމީހަކު ބޭނުންވާ ގޮތަކަށް ނެރެން މަސައްކަތް ކުރުމުގެ ބަދަލުގައި އަޅުގަނޑު އެމީހަކު ކުރާ އެކްޓެއް އޭގެން އެއަށްވުރެ އެއަށްވުރެ މޮޅަށް އަޅުގަނޑު ބޭނުންވާ އެތި އޭނަ ލައްވާ ނެރުވަނީ.
ދެން ރަނގަޅުކުރަން އަޅުގަނޑުކުރާ ކަމަކީ އަޅުގަނޑުގެ ޑައިލޮގް އަޅުގަނޑު ކިޔައިދެނީ އެކްޓްކުރާ ގަޑީގައި އަޅުގަނޑު ބޭނުން ރާގަށް. އޭރަށް އެމީހުންނަށް އެނގޭނެ މި ފީލްކަން މީގަ މި ހުންނަނީ. އޭތި އަޅުގަނޑަށް ބުނެދެވޭ ގޮތް މީހުންނަށް ނަގައިގަންނަން ފަސޭހަވަނީ. ދެން އަނެއް ކަމަކީ ޑަބްކުރާއިރު ވެސް ވަރަށް ގިނަ ފަހަރު އަޅުގަނޑު ހުންނަން އެވެސް ހަމަ އެ ބުނުންތަކާ އެއްޗެހި އެ ގޮތަށް ގެނެވޭތޯ. އެކަހަލަ ކުދި ކުދި ޓިޕްސް އަޅުގަނޑު ދެނީ."
9. ފިލްމު އިންޑަސްޓްރީ އިން ނަހުލާ ހާސިލްކުރަން ބޭނުން ލަނޑުދަނޑިއަކީ ކޮބާ؟
"ދެން ދާން ބޭނުންވާ ހިސާބަށް ދެވިފަ މިހިރީ. އާ ކަމެއް ކޮށްލަން ބޭނުންވެގެން އުޅުނު ވަރަށް ބޮޑު ޑްރީމެއް މިއީ ވެބް ސީރީޒް ރާއްޖޭގައި އަދި ނުކުރެވޭ ކަމެއްވީމަ. ފިލްމީ ދާއިރާގައި ނުކުރެވި ބޭނުން ކަމަކަށް އޮތީ މިކަން. މިކަން ވެސް އެވީ."
11. ރާއްޖޭގައި ހަދާ ފުރަތަމަ ވެބް ސީރީޒް ތި ހަދަނީ ނަހުލާ. ބޮޑު ކާސްޓަކާއެކު ބޮޑު ހަރަދެއް ކޮށްގެން އެ ޕްރޮޖެކްޓް ހަދާއިރު އާންމުންނަށް ކަމުދާނެ ކަމުގެ ކިހާ ޔަގީންކަމެއް އެބައޮތް؟
"އާންމުންނަށް ބަލާލީމަ އިނގޭނެ މިއީ ހަމަ ވަރަށް ރަނގަޅު ކަމެއްކަން. އެހެންވީމަ ދޯ އެއް އަހަރު ދުވަސް އަހަރެން މިދަނީ އެކަމުގަ އެހެން ކަމެއް ނުކޮށް އަސްލުގަ. ހުސް އެއް އަހަރު ދުވަސް މިދަނީ އޭ ބުނީމަ ހެނދުނު އަށެއް ޖަހާއިރު އޮން ވާ ގޮތަށް ރޭގަނޑުގެ ދެއެއް ޖަހާގޮތަށް ތިނެއް ޖަހާންދެން މަސައްކަތްކުރަން އަދިވެސް. ދޭތެރެއަކުް ބްރޭކެއް މިނަގަނީ މަޖުބޫރުވެގެން ބޭބީ ވެސް ހުންނާތީ ނަގާ ބްރޭކެއް."
(0) ކޮމެންޓް
ކޮމެންޓް ލިބިއްޖެ! ޝުކުރިއްޔާ!