By: Aishath Maaha
ނުޒުހަތު ޝުއައިބު އަކީ ދިވެހި ފިލްމު އިންޑަސްޓްރީގައި މިވަގުތު އެންމެ ވިދުން ގަދަ އެއް ބަތަލާ އެވެ. ފިލްމީ ދާއިރާ އަށް ނުކުމެ މިވީ ދެތިން އަހަރުގެ ތެރޭގައި ބޮޑު މަގުބޫލުކަމަކާއި މަޝްހޫރުކަމެއް ހޯދި ތަރި އެކެވެ. "މަލިކާ" އިން ފިލްމީ ދާއިރާއަށް ނުކުމެ ކުޅުނު ކޮންމެ ފިލްމަކުން ވެސް މުޅި އޯޑިއަންސްގެ ސަމާލުކަން ނުޒޫގެ ރޯލަށް ހޯދި އެވެ. މިހާރު ކުރިއަށް ދަނީ އިލްޔާސް ވަހީދުގެ "ނީނާ" ގެ ޝޫޓިންއަށް ޓްރެއިނިންގަ އެވެ. އާންމު ދިިރިއުޅުމުގައި ވެސް ނުޒޫ މިވަނީ ވިދުން ގަދަކޮށްލާފަ އެވެ. މިއަދު ލޯބިވެރިޔާ އަބްދުﷲ ޝަފީއު (ރިޗާޑް) އާ ކައިވެނީގެ ގޮތުން މިވަނީ ގުޅިފަ އެވެ.
ނުޒޫ އާއި ޝިފާއު ކައިވެނިކުރީ މިއަދު ހެނދުނު ފެމެލީ ކޯޓުގަ އެވެ. ޑާކްރެއިން އެންޓަޓެއިންމަންޓުގެ އިންސްޓަގްރާމްގައި ނުޒޫ އާއި އޭނާގެ ފިރިމީހާގެ ފޮޓޯއެއް ވަނީ ޕޯސްޓްކޮށް ދެމަފިރިންނަށް މަރުހަބާ ކިޔައިފަ އެވެ. ނުޒޫގެ އިންސްޓަގްރާމް ސްޓޯރީގައި ވެސް ދެ މީހުންގެ ފޮޓޯ އާއި ވީޑިއޯ ކްލިޕްކޮޅުތަކެއް ޕޯސްޓުކޮށް ކައިވެނިކުރިކަން އިއުލާނުކޮށްފަ އެވެ.
1. އެންމެ ފުރަތަމަ ކިޔައިދީބަލަ ދެ މީހުން ދިމާވީ ކިހިނެއްތަ؟
ނުޒޫ: ދެމީހުން ދިމާވިގޮތަކީ ނުޒޫ މިދިޔަ އަހަރު ކުރީކޮޅު ގެ ބަދަލުވެފަ ގަތް އަލަމާރި އެސެމްބަލް ކުރާކަށް ގަތް ފިހާރައަކުން ނައި، އެކަމާ ރުޅި އައިސްގެން ރައްޓެއްސެއް ކައިރި ބުނެގެން އަލަމާރި އެސެމްބްލް ކުރަން މީހުންތަކެއް ގެނައީ، އެތަނުން ދިމާވީ، ދެން ދެމީހުން ވަރަށް ވާހަކަ ދައްކާފައި ދެ މަސް ފަހުން ރައްޓެހިވީ،
"ބަވަތި" ރިލީޒްކުރުމުގެ ހަފްލާގައި ނުޒޫ އާދި ޝިފާއު
2. ކިހާ ދުވަހަކު ރައްޓެހިވެގެން އުޅެފަތަ ކައިވެންޏާ ހިސާބަތަށް ތިދިޔައީ؟
ނުޒޫ: ގާތްގަނޑަކަށް ދިމާވިތާ އެއް އަހަރާއި ދެވަނަ ދުވަސް މިއަދު މިއީ،
3. ފިލްމު ޝޫޓިންތަކާއި ފިލްމީ ދާއިރާގެ މަސައްކަތްތަކުގައި ތިހާ ބިޒީކޮށް އުޅެމުން ކިހިނެއް ރިލޭޝަންޝިޕަށް ޓައިމްދެނީ؟
ނުޒޫ: ރިލޭޝަންޝިޕަށް އަނެއްހެން ޓައިމް ދޭކަށް ނުޖެހޭ، ވަރަށް އަންޑަސްޓޭންޑިން، އެހެންވެގެން އަސްލު ބޮޑަށް މެރީކުރީ،
4. ޕާސަނަލް ލައިފުގައި އަންނަ ކަމަކާ ގުޅިގެން މިގޮތަށް އާންމުންނާއި މީޑިއާގެ ސަމާލުކަން ލިބުނީމަ ހިތަށް އަރަނީ ކީކޭތަ؟
ނުޒޫ: އެހެންނެއް އެއްޗެކޭ ހިތަކަށް ނާރާ، ނުޒޫ ބުނާނީ މީހުން ކޮންގްރެޓްސް ކޮންގްރެޓްސް ބުނާތީ އަސްލު ވަރަށް ހިތްހަމަޖެހޭ، ވަރަށް ގިނަ މީހުން ލޯބިވާކަން ފާހަގަކުރެވޭ، ހިތަކަށް ނާރާ މަޝްހޫރުނޫން ނަމައެކޭ، ނުޒޫގެ ވޯކް ރިލޭޓެޑްކަމަކާއި އެއްވެސް ވަރަކަށް ފޫއްސެއް ނުވޭ ރުޅިއެއް ނާދޭ، މަގުމަތިން ފެނިގެން މީހަކު ސެލްފީއެއް ނަގަަން ބޭނުންވިއަސް ނުޒޫ ހަމަ އެ ހުރި ގޮތަކަށް ދާނަން، އެއީ ނުޒޫ އަކީ،
ނުޒޫ އާއި ޝިފާއު: އަންނަ އަންގާރަ ދުވަހު އާއިލާ އާއި ގާތް ރައްޓެހިންނަށް ސައެއް ދޭން ވަނީ ނިންމާފަ
5. ކޮބާތަ ވެޑިން ޕްލޭނަކީ؟
ނުޒޫ: ނުޒޫމެން ބިޒީވީމަ އަސްލު ޕްލޭންއެއް ނުކުރަން. އެކަމަކު އޮންނާނެ ކުޑަ ސައެއް ކްލޯޒް ފްރެންޑްސް އަށާއި ފެމެލީ އަށް، މި މަހު 14ގައި އޮންނާނީ، އެންމެންނަށް ފްރީވާ ދުވަސް އެއީ،
6. ނުޒޫ ގަބޫލުކުރާ ގޮތުގައި ރައްޓެހިވެގެން ގިނަ ދުވަހު އުޅެފަތަ ކައިވެންޏާ ހިސާބަށް ދާންވީ؟
ނުޒޫ: ގިނަ ދުވަސްނުކޮށް ވެސް ހަމަ މެރީކުރަންވީ. އިޓް ޑިޕެންޑްސް އޮން އެ މީހަކަށް، މިސާލަކަށް އަންހެން ކުއްޖެއް ވިޔަސް އެ ކުއްޖާ އަކީ ރަނގަޅު މީހަކަށް ވެއްޖިއްޔާ މެރީކުރަންވީ، މީހެއްގެ ގޮތެއް އެންމެ ދުވަހަކު ނުވެސް އެނގިދާނެ ހަމަ އެއް ދުވަހުން ވެސް އެނގިދާނެ އިޓް ޑިޕެންޑްސް ހަމަ އެގޮތަށް،
7. ކޮބާތަ ހަނީމޫން ޕްލޭނަކީ؟
ނުޒޫ: ހަނީމޫން ޕްލޭނަށް ވާގޮތަކީ އަދި އެކަހަލަ އެއްވެސް ކަމަކާ ނޫޅެވޭ ބިޒީކޮށް އުޅޭތީ،
8. ދެން ކައިވެނިކޮށްގެން އަމިއްލަ ދިރިއުޅުމުގައި ބިޒީވެ ނުޒޫ ފެނުން މަދުވަމުން ގޮސް ގެއްލިދާނެތަ ދާއިރާއިން؟
ނުޒޫ އާއި ޝިފާއު ކައިވެނިކުރީ ރައްޓެހިވެގެން އެއް އަހަރު އުޅެފަ
ނުޒޫ: ނޫން ނުގެއްލޭނެ، ފިލްމީ ދާއިރާއަކުން ދުރަށް ދާކަށް ނުވިސްނަން،
9. ނުޒޫއާ އެކު ފިރިމީހާ ފެނިދާނެތް ފިލްމީ ދާއިރާއިން؟ ކޮން ދާއިރާއަކުތަ އޭނަ މަސައްކަތް ކުރަނީ؟
ނުޒޫ: ނުފެންނާނެ. އޭނަގެ މަސައްކަތުގައި އޭނަ ވަރަށް ހެޕީ، އޭނަ ބޭނުން ކަމެއް އޭނައަށް ކުރެވޭނެ، އަމިއްލައަށް ބޭނުންވެގެން ކުޅެންޏާ ކުޅެންވީ، އެކަމަކު އަދި ނުގެންގުޅޭ އެކަހަލަ ވިސްނުމެއް،
10. ތި ދެމީހުންގެ އުމުރުގައި ކިހާ ތަފާތެއް ހުރީ؟
ނުޒޫ: ދެމީހުން ވެސް އެއްވަރު، 31 އަހަރު، މަހުގެ ގޮތުން ބަލަންޏާ އޭނަ ބޮޑީ.