500 ގުރާމު އަލުވި (ރިހައަށް ކޮށައިފައި، ބޭރަށް މަޑު މުށިކުލަ އަރާ ވަރަށް ތެއްލައިފައި)، 1 ފިޔާ (ބޮޑު، ބޯކޮށް ކޮށައިފައި)، 3 ލޮނުމެދު (ފަޅައިފައި)، ½1 މޭޒުމަތީސަމުސާ ޓޮމާޓޯ ޕޭސްޓު، ½1 މޭޒުމަތީސަމުސާ ހަވާދު (ފުއްލާޖެހި ރީނދޫ ދަޅު ނުވަތަ ހަނާކުރި ހަވާދު)، 1 ޖޯޑު ކާށިކިރު، ⅓ ސައިސަމުސާ އަސޭމިރުސް، ⅓ ސައިސަމުސާ ދިރި، 5 ތިކި ފިޝް ސޯސް، 1 މޭޒުމަތީސަމުސާ މުގުރި ހިކިމަސް (ބޭނުން ނަމަ)، ރޯމިރުސް ނުވަތަ ގިތެޔޮމިރުސް، ހިކަނދިފަތް، ރާނބާފަތް، ތެޔޮ، ލޮނު

މޭޒުމަތީސަމުސަލެއްގެ ތެލުގެ ތެރެއަށް ފިޔާ، ލޮނުމެދު އަޅައިފައި، ފިޔާކޮޅު ވަޅޯވަންދެން އެއްކޮށްލައިފައި، ޓޯމާޓޯޕޭސްޓު، މިރުސް އެޅުމަށް ފަހު ދެ މިނެޓު ވަންދެން (މަޑު ގިނީގައި) އެއްކުރާށެވެ. އޭގެތެރެއަށް ހަވާދާއި ބައި ޖޯޑު ކާށިކިރު އަޅައިފައި ކައްކާނީ އެވެ. ބޮކިޖަހައި ކެކެން ފެށުމުން މަސް (ބޭނުން ނަމަ)، ތެއްލައިފައި ހުރި އަލުވި، ފިޝް ސޯސް، އަސޭމިރުސް، ދިރި، ބާކީ ހުރި ކިރުފޮދު އަޅައިފައި ދެ މިނިޓު ވަންދެން ކައްކާށެވެ. ކެކެން ފެށުމުން، ހިކަނދިފަތާއި ރާނބާފަތް ލައިފައި، ލޮނު ހެޔޮވަރުކޮށް އުނދުންމަތިން ބާލާށެވެ.