ބޮލުން އިސްތަށި ފައިބަން ފަށައިފި ނަމަ އެއީ ވަރަށް ބޮޑު ހާސްކަމެކެވެ. އެކިވައްތަރުގެ ޝޭމްޕޫ އާއި ކޮންޑިޝަނާ އަދި ތެޔޮ ލިޔަސް މަޑުޖެހިލުމެއް ވެސް ނާދެ އެވެ. ދެން ބަލައިލަން ޖެހެނީ މީގެ ކުރިން އިސްތަށިފޭބުން ހުއްޓުވަން ބޭނުންކުރި "ހޯމް ރެމެޑީސް" އަށެވެ.

● ފެނުގްރީކް ސީޑްސް

● ރޯޒް މޭރީ (ތާޒާ ނުވަތަ ޑްރައިޑް)

● ހިކަނދި ފަތް

● ކާސްޓާ އޮއިލް

● ސައިމަލުގެ ފަތް

● 1 ޖޯޑު ފެން

ކާސްޓާ އޮއިލް ނޫން އެހެން ހުރިހާ އެއްޗެއް އެއްކޮށްލުމަށް ފަހު ސައިމަލުގެ ފަތް އަތުން ކުދިކޮށްފައި އަޅާލާށެވެ. އަދި ރަނގަޅަށް ބޮކި އަރަންދެން ކައްކާލާށެވެ. އެއަށްފަހު އުނދުން ނިއްވާލާ ކާސްޓާ އޮއިލް އަޅާލާށެވެ.

ހިހޫ ވުމުން ބޮލުގައި ހާކާލާށެވެ.

ދެން މި ދޭ ރެސިޕީއަކީ އިސްތަށި ފޭބުން ހުއްޓުވަން ގޭގައި ތައްޔާރުކުރެވޭނެ ހާއްސަ އަޔޫރްވެދިކް ތެލެކެވެ.

1 ޖޯޑު ކާށިތެޔޮ

2 މޭޒުމަތީ ސަމުސާ ވިޓަމިން އީ

½ ޖޯޑު ފިޔާ (ކޮށާފައި)

½ ޖޯޑު ހިކަނދިފަތް

2 މޭޒުމަތީ ސަމުސާ ސައިފަތް

2 މޭޒުމަތީ ސަމުސާ ފެނުގްރީކް

2 މޭޒުމަތީ ސަމުސާ ކަޅު ދިރި

1 މޭޒުމަތީ ސަމުސާ އަލޮވެރާ

7-8 ކަރަންފޫ

ޕެޕާމިންޓް

އެންމެ ފުރަތަމަ ކާށިތެޔޮ ހޫނުވެލުމުން ފެނުގްރީކް ސީޑާއި ކަޅު ދިރި، ފިޔާ އަދި ކަރަންފޫ އެއްކޮށްލުމަށް ފަހު ރަތްވެލަންދެން ބަހައްޓާށެވެ. ރަތްވާން ފެށުމުން، ހިކަނދިފަތްކޮޅު އަޅާލާށެވެ. އަދި މަޑު ގިނީގައި ހުރިހާ ބާވަތެއް ރަނގަޅަށް ރަތްވެލަންދެން ބަހައްޓާށެވެ.

ގާތްގަނޑަކަށް ބައިގަޑިއިރާއި 45 މިނިޓާ ދެމެދު ވަރަށް މަޑު ގިނީގައި ކައްކާލުމަށް ފަހު ދެން އަޅާނީ އަލޮވެރާ. ސައިފަތް އަދި ވިޓަމިން އީ އެވެ. އަދި އިތުރު 10 މިނިޓަށް ކައްކާލުމަށް ފަހު ނިއްވާލުމުގެކުރިން ފިޔާ ވަސް ކުޑަކޮށްލަން ޕެޕާމިންޓް އެސެންޝަލް އޮއިލްކޮޅެއް އަޅާލާށެވެ. ހިހޫވުމުން ދެފަހަރަށް ފުރާނާލާށެވެ. އަދި އިސްތަށިގަނޑު ދޮވުމުގެ އެއް ގަޑިއިރު ކުރިން މި އުނގުޅާލާށެވެ.