އެންމެ މޮޅު އަދި ކްރިއޭޓިވް ފެޝަން ޑިޒައިނަރުންގެ ބްރޭންޑުތައް ދައްކާލައި އަދި މި ރޮނގުން ހިދުމަތް ކޮށްދޭ ފަރާތްތަކުގެ އަގު ވަޒަންކުރާ ކައުންސިލް އޮފް ފެޝަން ޑިޒައިނާސް އޮފް އެމެރިކާ އެވޯޑްސް (ސީއެފްޑީއޭ) އަކީ އަހަރަކު އެއްފަހަރު މި ފަންނުގެ މީހުންނަށް އަންނަ އީދެކެވެ.

މި އަހަރުގެ ފެޝަންގެ ދުނިޔޭގެ އެންމެ ބޮޑު މި އިވެންޓުގައި ފާހަގަ ކޮށްލެވުނު ކަމަކީ ގިނަ ތަރިންތަކެއް އެހެން ހަފްލާތަކާ ހިލާފަށް ނިވާކަން ބޮޑު ނުވަތަ މޮޑެސްޓު އަދި އެލެގަންޓް ސްޓައިލްތަކަށް ހެދުން އަޅައިގެން ތިބުމެވެ. މީގެތެރެއިން ބައެއް ރީތި ހެދުންތައް ލިސްޓުކޮށްލާނަމެވެ.

ހޮސްޓު ސިންތިޔާ އެރިވޮގެ ރެޑްކާޕެޓް ޑްރާާމާ ފެނިގެން ދިޔައީ ޒެކް ޕޮސެން ބްރޭންޑުގެ ހެދުމެއްގަ އެވެ. ގައިގެ ބައްޓަމަށް ރީތިކޮށް ފިޓުކޮށް ހުރި ކަޅު، ބޮޑު މި ހެދުމާ އެކު ބޮލުގައި އަޅާ ހޫޑް ބައެއް ވެސް އިނެވެ. ހެދުމުގެ ތިރީގައި މާމެއިޑް ސްކާޓް ސްޓްރަކްޗާއެކެވެ.

ކައިލީ ޖެނާގެ ލައިގެން ހުރި ޖޯން ޕައުލް ގޮލްޓިއޭ ކޮޓުއާ ކަލެކްޝަންގެ ހެދުމުން ކަޅު ކުލައިގެ ދޫންޏެއް ސިފަ ކުރެވުނެވެ. އެހެން ފަހަރުތަކެކޭ ހިލާފަށް މިފަހަރު ފެނުނީ ނިވާކަން ބޮޑު ރީތި ހެދުމެއްގަ އެވެ. ސްކާޓަކާއި މައްޗެއް އެއްކޮށް ލާފައި ހުރި އިރު މުޅި އައުޓްފިޓުން ރަމްޒުކޮށްދިނީ ދޫނި ފަތްތަކެވެ.

ރަތްދޫލަމަތިން ވަރަށް މަދުން ފެންނަ މި މަޝްހޫރު ފިލްމީ ތަރި މިފަަހަރު އެންމެނަށް ދިނީ ރަނގަޅު ސަޕްރައިޒެކެވެ. ގިނައިން ކަޅު ކުލައިގެ ހެދުންތަކުގައި ރަތްދޫލަ ހަފްލާތަކަށް ގޮސް އުޅޭ ކެޓީ ހޯމްސް މި ފަހަރު ފޮޓޮޯއަށް ހުއްޓިލީ ޕިއޮނީ ފިޔާތޮށި ކުލަ އާއި އޮރެންޖު ރަތްކުލައަކުން ގުޅުވާލައިގެން ހަދާފައިވާ އެމިލިއޮ ޕުޗީ ބްރޭންޑުގެ ހެދުމެއްގަ އެވެ.

އަހަރުތަކަކަށް ފަހު މި އެވޯޑު ހަފްލާއަށް ބްލޭކް ލައިވްލީ ހާޒިރުވެ ހުރި "ބޮސް" އެއް ހެނެވެ. ނިކަން އާދައިގެ ގޮތަކަށް އަގުބޮޑެތި ގަހަނާތަކާއި އެކު ލައިގެން ހުރީ މައިކަލް ކޯސް ބްރޭންޑުގެ ހުދުކުލައިގެ ހެދުމަކާއި އޭގެ މަތިން ގަޔަށް ބޮޑު ބްލޭޒާއެކެވެ. މި އައުޓްފިޓުގެ މެއިން ކެރެކްޓާއަކީ ލޮރެއިން ޝްވާޓްޒްގެ ޑައިމަންޑު ގަހަނާތަކެވެ.

ޕެރިސް ހިލްޓަން އަކީ ވެސް މި ރަތްދޫލަމަތިން ފޮޅުނު މަލެކެވެ. އޮސްކާ ޑިލަރެންޓާ ބްރޭންޑުގެ ލޭސް ރަތް ފިނިފެންމަލުން ފުރާލައިފައި ހުރި މިނީ ހެދުމެއްގައި ހުއްޓިލައިގެން ހުއްޓެވެ. އަރައިގެން ހުރި ލެ ސިލާ ބްރޭންޑުގެ ބޫޓާއި ހިފަހައްޓައިގެ ހުރި ކްލަޗް ޕާހުގެ ކުލަަތައް ވެސް ހުރީ ހެދުމުގެ ރަތް ޝޭޑާ ގުޅުވާލައިފަ އެވެ.