އިމޯޖީއަކީ މިހާރު ލިޔެކިޔުމުގައި ދޫކޮށްލެވެން ނެތް އެއްޗަކަށް ވެއްޖެ އެވެ. މީގެ މުހިންމުކަން ބޮޑުވެ ޖުލައި 17 ވަނީ "އިމޯޖީ ދުވަސް" ގެ ގޮތުގައި ވެސް ކަނޑައަޅައިފަ އެވެ. މި ދުވަހާ ގުޅުވައިގެން އެޕަލް އިން ވަނީ އާ އިމޯޖީތަކެއް ހަދިޔާކުރާނެ ކަމަށް ބުނެފަ އެވެ.

އެޕަލް އިން ބުނީ އައިއޯއެސް އާއި މެކްއޯއެސް އަދި ވޮޗް އައިއޯއެސް އަށް މި އަހަރުގެ ފަހުކޮޅު އާ އިމޯޖީތަކެއް ދޭނެ ކަމަށެވެ. އެޕަލް އިން ބުނީ އިމޯޖީސް އަކީ މީހުންނަށް ފަސޭހައިން ދޭހަވާ، ގިނަ މީހުންނާ ގުޅޭ އެއްޗަކަށް ވާންޖެހޭ ކަމަށެވެ. މީގެ އިތުރުން، މިހާރު އިމޯޖީގައި ހުރި ޖަނަވާރުތަކަށް ވުރެ އިތުރު ޖަނަވާރުތަކާއި އާ ވައްތަރުތަކުގެ ސްމައިލީ ފޭސްތައް ވެސް ތައާރަފްކުރަން ޖެހޭ ކަމަށެވެ.

އެޕަލް އިން އަލަށް ގެންނަ އިމޯޖީތަކުގެ ތެރޭގައި ބުރުގާ އެޅި މީހަކާއި ތުނބުޅި ލީ މީހަކާއި ގާތުން ދޭން އިންނަ މީހަކާއި އެހެން ބައެއް ސްމައިލީ ފޭސްތައް ވެސް ހިމެނެ އެވެ.

އަލަށް ހިމަނާ ޖަނާވަރުތަކުގެ ތެރޭގައި ޓީރެކްސް، ޒިބްރާ އަދި ޒޮމްބީ ވެސް ހިމެނެ އެވެ.

ބުރުގާ އެޅި އިމޯޖީއެއް ނުލިބިގެން ސޯޝަލް މީޑިއާގައި ކެމްޕޭނުތައް ހިންގަމުން އަންނަތާ ވަރަށް ގިނަ ދުވަސް ވެއްޖެ އެވެ.

ދެން އޮތީ ވަރަށް އުފާވެރި ޚަބަރެކެވެ. މި މަހުގެ 28 ވަނަ ދުވަހު "ދަ އިމޯޖީ މޫވީ"ގެ ނަމުގައި އެނިމޭޓެޑް ފިލްމެއް ވެސް އެބަ ޕްރިމިއާކުރެ އެވެ.