އަތުކުރީ ގަޑިއެއް އަލަށް ގަންނަން އުޅޭ ނަމަ މިއޮތީ އޭގެ ކުރިން ވިސްނާލަން ރަނގަޅު ބައެއް ޕޮއިންޓުތަކެވެ. ކޮންމެ މީހެއްގެ ވެސް އަމިއްލަ ފުރަތަމަ ގަޑި ވާންވާނީ ގިނަ ދުވަހު ގެންގުޅެވޭނެ އަދި އެ މީހެއްގެ ދިރިއުޅުމުގައި ހުންނަ އާދަތަކަށް ފެތޭ އެ މީހެއްގެ ޕާސަނަލިޓީ ދައްކައިދޭ އެންމެ ހިތްހަމަޖެހޭ އެސަސަރީއަށެވެ. މިޒަމާނުގައި އަތުކުރީގަޑީގެ އެތައް ވައްތަރުތަކެއް ހުރި އިރު ބައެއް މީހުންނަން މީ ވަރަށް ޓްރިކީ ކަމަކަށް ވެދާނެ އެވެ. މި ދެނީ އެހީއެކެވެ.

އެންމެ ފުރަތަމަ ނިންމަންވީ ކަމަކީ މިއީ އެވެ. މިކަން ނިންމާނީ އެ މީހެއްގެ ލައިފްސްޓައިލް އަދި ގަޑިން ކުރަން ބޭނުންވާ އެހެން ކަންކަން ހުރި ނަމަ އެކަންކަމަށް ވިސްނައިގެންނެވެ. ސްމާޓް ގަޑިއަކީ އާންމުކޮށް ޓެކް މީހުންނަށާއި ފިޓްނަސްއަށް ލޯބިކުރާ މީހުންނަށް އެންމެ ކަމުދާނެ އެންމެ ފަސޭހަވާނެ އޮޕްޝަނެވެ. ސިއްހަތާ ގުޅޭ ކަންކަން ޗެކްކޮށް، ހުރިހާ ދިމާލަކުން އަންނަ ނޮޓިފިކޭޝަންތަކަށް އަބަދު ސަމާލުކަން ދޭން ފަސޭހަވާނެ އެވެ. ކްލެސިކް ސްޓައިލްތައް ކަމުދާ ނުވަތަ ގަޑިން ހަމަ އެކަނި ވަގުތު ބަލައިލައި ފޯމަލް ސްޓައިލްތަކަށް ބޮޑަށް ބުރަވާ މީހުންނަށް ޓްރެޑިޝަނަލް ގަޑިއަކީ އެންމެ ރަނގަޅު ޗޮއިސް އެވެ. މި ދެކަމަށް ވެސް ލޯބިކުރާ ނަމަ ޓައިމްލަސް ޑިޒައިންތަކަށް ސްމާޓް ފީޗާތައް ލާފައި ހުންނަ ހައިބްރިޑް ގަޑިއެއް ވެސް ގަނެވިދާނެ އެވެ.

އަތްފޯރާ ފަށުގައި އަގުތައް ހުންނަ ގަޑިތަކުން ފެށިގެން ލަގްޒަރީ ގަޑިތައް މާކެޓުގައި ލިބެން ހުންނަ އިރު ޓްރެޑިޝަނަލް ގަޑިތަކަކީ ގިނަ ދުވަސް ވާވަރަކަށް އޭގެ އަގު ބޮޑުވާ އެއްޗެކެވެ. ހާއްސަކޮށް، ރޮލެކްސް އަދި އޯމެގާ ބްރޭންޑުތަކަށް މިހެންވާނެ އެވެ. އެކަމަކު ސްމާޓް ގަޑިތަކަކީ ދުވަސްވެ ޓެކްނޮލޮޖީ ތަނަވަސްވަމުންދާ ވަރަކަށް މީގެ އަގު ދަށްވާ އެއްޗިއްސެވެ. މިހުރިހާ ކަމަކަށާއި ކުރިއަށް ސާވިސްކުރަން ޖެހޭނެވަރާއި އަޕްގްރޭޑުތަކަށް ވިސްނާލާފައި ހަރަދުކުރަން ބޭނުންވާ ވަރު ނިންމުން ރަނގަޅުވާނެ އެވެ.

ޓްރެޑިޝަނަލް ގަޑިތަކުގައި ހުންނަ ސްޓެއިންލަސް ސްޓީލް، ޓައިޓޭނިއަމް ނުވަތަ ރަނަކީ ގިނަ ދުވަހު ގެންގުޅޭވޭނެ އަދި ހައިބަތު ހުންނާނެ ގަޑިތަކެކެވެ. ސްމާޓް ގަޑިތަކުގައި އާންމުކޮށް މި ފެންނަނީ ޕްރިމިއަމް ސެރަމިކްސް، އެލުމިނިއަމް ނުވަތަ ސްޓެއިންލެސް ސްޓީލް އެވެ. މިއިން އެއްޗަކަށް އެލާޖިކްވާ ނަމަ ރަނގަޅަށް ބަލަންވާނެ އެވެ. އަދި އާންމުކޮށް ކުރާ މަސަތްކަތްތަކާއި ދިރިއުޅުމުގެ ވައްޓަފާޅި އާއި ގުޅޭނެ ކަހަލަ މެޓީރިއަލްއެގެ ގަޑިއެއްތޯ ބެލުން ބުއްދިވެރި އެވެ.

ޓްރެޑިޝަނަލް ގަޑިތަަކަކީ މެކޭނިކަލް، އޮޓޯމެޓިކް ނުވަތަ ކުއާޓާޒް މޫވްމަންޓުގެ ގަޑިތެކެވެ. މެކޭނިކަލް އަދި އޮޓޯމެޓިކް މޫވްމަންޓް ހުންނަ ގަޑިތަކަކީ އޭގެ ކަވި މަސަތްކަތައް އަގު ކަނޑައަޅާފައި ހުންނަ ގަޑިތަކެވެ. ކުއާޓްޒް ގަޑިތައް ގެންގުޅެން ފަސޭހެވާނެ އެވެ. ސްމާޓް ގަޑިތަކަކީ ޑިޖިޓަލްކޮށް ހިނގާ ގަޑިތަކަށް ވާއިރު މި ގަޑިތައް ޖެހޭނީ އޭގެ ބެޓެރި ޗާޖުކުރާށެވެ.

ޓްރެޑިޝަނަލް ގަޑިތަކުގައި ފެން ވަނުމުގެ ކަންކަން ހުރީ ކިހިނެއްތޯ ބަލައި ކްރޮނޮގްރާފް އަދި ތާރީހު ދައްކާ ނަމަ އެޑްވާންޓޭޖު ބޮޑުވާނެ އެވެ. ސްމާޓް ގަޑިތައް ގަންނަން ބޭނުންވާ މީހުން މި ގަޑިތަކަކީ އެމީހެއްގެ ފޯނާ ރަނގަޅަށް ބައްދަލު އެއްޗެއްތޯ ބެލުން ވަރަށް މުހިންމެވެ. ކޮންމެ ދުވަހެއްގެ މަސަތްކަތްތަކަށް ފަސޭހަވާނެ އަދި އެއަށް ބުރަވެގެން އުނދަގޫ ނުވާ ގަޑިއެއްތޯ ޔަގީން ކުރަން ވާނެ އެވެ. ބްރޭންޑުތައް ރަނގަޅަށް ބަލާ މީހުންގެ ރިވިއުތައް ކިއުމަކީ ވެސް ގަޑި ގަތުމުގައި ގޮތެއް ނިންމަން ފަސޭހަވާނެކަމެކެވެ. އެންޓްރީ ލެވެލްގެ އަގުތަކުގައި އުޅޭ ޓްރެޑިޝަނަލް ގަޑި ބްރޭންޑުތަކުގެ ތެރެއިން ސޭކޯ އަދި ޓިސޯ އަކީ ރީތި ސްޓައިލްތަކާއި ގިނަ ދުވަހު ގެންގުޅެލަން ފަސޭހަކަމަސް މަޝްހޫރު ދެ ބްރޭންޑެކެވެ. ސްމާޓް ގަޑި ކެޓަގަރީގައި އެޕަލް އަދި ގާމިން ހިމެނެ އެވެ.

މި ހުރިހާ ޕޮއިންޓުތަކެއްގެ އިތުރުން ގަޑިއަކަށް އިންވެސްޓުކުރާއިރު ރަނގަޅު އޮތޮރައިޒްޑް ރީޓެއިލަރެއްގެ އަތުން ނުވަތަ ރެޕިއުޓޭޝަން ރަނގަޅު އޮންލައިން ފިހާރަޔަކުން ވޮރެންޓީގެ ކަވަރޭޖް ޔަގީންކޮށް ގަނެވޭތޯބަލަންވާނެ އެވެ. ކޮންމެ މީހެއްގެ ވެސް ގަންނަ އެންމެ ފުރަތަމަ ގަޑިއަކީ ޕާސަނަލް މައިލްސްޓޯންއެކެވެ. އަދި އެތައް އަހަރެއްވަންދެން ގެންގުޅެން ބޭނުންވާނެ އެއްޗެކެވެ. އެހެންވެ އަމިއްލަ މީހާއާ އެންމެ ގުޅޭ ގަޑި ގަނެވޭތޯ ރަނގަޅަށް ވަގުތު ހޯދައިގެން ބަލައިލާށެވެ.