½1 ޖޯޑު ފާރޮށި ކުނޑި، 1 ކުކުޅުބިސް، ⅓ ސައިސަމުސާ ވެނީލާ އެސެންސް، ⅓ ސައިސަމުސާ ރޯސް އެސެންސް، 5 މޭޒުމަތީސަމުސާ ހަކުރު، 3 ޖޯޑު ކާށިކިރު

ހަކުރާއި ކުކުޅުބިސް އެއްކޮށްފައި، ކާށިކިރު އަޅައިގެން ގިރާލާށެވެ. ހަކުރުކޮޅު ވިރުނީމައި ފާރޮށިކުނޑި އެއްކުރުމަށް ފަހު ވެނީލާ އެސެންސާއި ރޯސް އެސެންސް އަޅައިފައި (ތަބަކުގައި ތެޔޮފޮދެއް ހާކައިލައިފައި) ތަބަކަށް އަޅައިލައިފައި ފިހާނީ އެވެ. ބޯކިބާ ފިހަން ލުމުގެ ކުރިން 250 ޑިގްރީގައި 10 މިނެޓު ވަންދެން އަވަން ހޫނުކޮށްލަންވާނެ އެވެ. މި ބޯކިބާ ފިހެވޭނީ (250 ޑިގްރީގައި) 50 މިނެޓުންނެވެ. ގޭސް އުނދުނުން ވެސް މި ބޯކިބާ ފިހެވޭނެ އެވެ. އެ ގޮތަށް ފިހޭއިރު، އާދައިގެ ބޯކިބާ ފިހޭގޮތަށް، (ބޯކިބާ ފިހޭ ތަވައިގައި، މަތިޖަހައިގެން) އެއް ފުށް ފިހެވުމުން، ފުށުންޖަހައިފައި އަނެއް ފުށް ފިހާނީ އެވެ.