މި ގްރޫޕު އެންމެން ވެގެން މިއުޒިކީ ސާމާނުތައް އެއްކޮށްލައިގެން ގެނެސް ޖޭމްކުރާ އިރު ހަނދާންވަނީ މީގެ އަހަރުތަކެއް ކުރިން ކަންކަން މަތީގައި އުފެދިފައި އޮތް ބޭންޑުތަކާއި އަހަރުމެންގެ އެންމެ ރީތި ދިވެހި ލަވަތައް އުފަންވީ ގޮތްތަކެވެ.
މި "ނޮސްޓެލްޖިކް" ސެޝަންތައް ބަލައިލަން ބޭނުންވާ މީހުންނަށާއި ބައިވެރިވާން ބޭނުން އެންމެން ކޮންމެ ހޮނިހިރު ދުވަހަކު "1981 ކެފޭ" ކައިރީ ހުޅުމާލެ ބީޗުގައި އޮންނާނެ ކަމަށް މި މީހުންގެ އިންސްޓަގްރާމް ޕޭޖުގައި އެބަ އޮތެވެ.
މީގެ އިތުރުން، ސޯޝަލް މީޑިއާގައި މި ސެޝަންތަކުގެ ހައިލައިޓްތަކާއި ފޮޓޯތައް ފެންނަން ވެސް އެބަހުއްޓެވެ. ޖޭމް ކުރަން ބޭނުން ނުވިއަސް މި ހިތްގައިމު ސެޝަންތައް އަޑު އަހާލަން ބޭނުންވާ މީހުންނަށް ވެސް މި ގްރޫޕުން އެންމެންނަށް ދައުވަތުދެ އެވެ.
