ވަކިގޮތަކަށް އަހަރެންގެ ސްޓައިލަކީ މިއޭ ބުނާކަށް ނޭނގެ. އެކަމު ހެދުން އެޅުމުގައި މުހިންމުކަންދެވޭ ވަރަށް ބޮޑު އެއްކަންތައް އެއީ ކޮމްފޯޓް. އައުޓްފިޓް ކޮމްފޮޓަބަލް ވުމުން ސެންސް އޮފް ކޮންފިޑަންސްއެއް ލިބޭ. މީ ވަރަށް މުހިންމު އެއްޗެއް. ދެން ވަރަށް ގިނަވާނެ ބްރައިޓް ކުލަތައް. އޭގެ ތެރޭގައި ހޮޓް ޕިންކް، ފްލޮރިސަންޓް ޔެލޯ، ފެހި އަދި ރަތް ކުލަ ހުންނާނެ. މިއިން އަހަރެންގެ ފަން ޕާސަނަލިޓީ އެނގޭނެ، ދޭން ބޭނުންވަނީ ވެސް މި މެސެޖުތައް.

އައިޑަލް އަށް އެރި އިރު ލައިގެ އެއްވެސް އިންޕުޓެއް އެކަމަކަށް ނުދެން. ސަބަބަކީ އޭރު ކޮންމެ މީހަކަށް ހެދުން ޑިޒައިންކޮށް ފަހަން ޑިޒައިނަރުން ތިބި. އެކަމަކު މަންމަ ވަރަށް ކައިރިން މިކަންކަން ބަލައި ޑިޒައިނަރުންނާ އެކީ ކޮލަބްރޭޓް ވަމުން ދިޔައީ. އެހެންވެ މަންމައަށް އެކަން ދޫކޮށްލައިގެން ހުރީ. ބޮޑުވަމުން އައި ވަރަކަށް މިހާރު އެކަހަލަ ޕްރޮސެސްތަކުގައި ބައިވެރިވަން. މި ޕްރޮސެސްގައި ބަލާ އެންމެ މުހިންމު އެއް ކަމަކީ އެ ހަފްލާއަކާ ވީހާ ވެސް ގުޅޭގޮތަށް ހެދުން އެޅޭތޯ. އަދި ދާތަނުގައި ލައިގެ ރޯލަކީ ކޮބައިތޯ ބެލުންވެސް މުހިންމު.

މިސާލަކަށް އެންމެ ފަހުން ޕާފޯމް ކުރި ބައިސްކޯފު ޗަނާޗާ ޝޯގައި އަހަރެން ހުށަހަޅައިދިނީ ވަރަށް ވަރުގަދަ ރޮކް ލަވައެއް. މިއާ އެންމެ ގުޅޭ ކަހަލަ ގޮތަކަށް ހެދުން އަޅައިގެން ހުރީ ރިޕްޑް ޖިންސަކާއި ގަޔަށް ބޮޑު ގްރެފިކް ޓީޝާޓެއް ލައިގެން. ކުލަގަދަ ބޫޓަކަށް އެރީ ސްޓެޖްމަތީ ދެކޮޅަށް ހިނގާލާ ކްރައުޑްއާ ބޮޑަށް އިންޓަރެކްޓް ވާން ފަސޭހަޔަކަށް.

މި ދުވަސްކޮޅު އެންމެ ކަމުދަނީ ސްޓްރީޓް ފެޝަންތައް. ބެގީ ހުޑީސް، ކާގޯ ޕޭންޓްސް، ގްރެފިކް ވިންޓޭޖް ޓީޝާޓުތަކާއި. މިހުރިހާ އެއްޗަކާއި އެކީ އަރާލަން ނައިކީ ސަޅި ބޫޓެއް. މިކަހަލަ ސްޓައިލްތައް ކަމުދާ މައިގަނޑު އެއް ސަބަބަކީ ހަމަ ކޮމްފޯޓް، ދެން މެލްބަން އެހާ ފިނި ވީމަޔާ ވެސް އެއްކޮށް. އެކަމަކު މޫސުން ތަންދޭ ވަރަކުން އަދި މޫޑު ހުންނަވަރުން ސްޓައިލް ބަދަލުކޮށްލާ ޑްރެސްއަޕް ވެލަން.

އެގޮތަކަށް ރޯލް މޮޑެލްއެއް ނުހުރޭ، އިންސްޕިރޭޝަން އަށް ބަލާ މީހަކު ވެސް ހުރެއެކޭ ނުބުނެވޭނެ. އެކަމަކު އެތުލީޓުންގެ ފެޝަން ސްޓައިލްތަކަކީ ވަރަށް ކަމުދާ އެެއްޗެއް. މި ސްޓައިލްތަަކަށް ހެދުން އެޅޭތޯ އަމިއްލަޔަށް ބަލަން. ގަޔަށް ފަސޭހަކޮށް ހުރެފައި، ކޮމްފޯޓް އަދި އެ ހުންނަ އެތުލެޓިކް ވައިބަކީ ލައިއަށް ވަރަށް ރިލޭޓް ކުރެވޭ އެއްޗެއް. އެއީ އަަހަންނަކީ އަބަދުވެސް އެކިކަހަލަ ކުޅިވަރު ކުޅެ އެތުލެޓިކްކޮށް އުޅޭ މީހަކަށް ވީމާ.

ހިޔެއް ނުވޭ އަހަންނަކީ މީހަކަށް ސްޓައިލް ޓިޕެއް ދޭން އެލިޖިބަލް މީހެއްހެން. އެކަމަކު ބުނެލަން ބޭނުން ކޮމްފޮޓަބަލް ވުމަކީ އެންމެ މުހިންމު ކަންތައް. އައުޓްފިޓާ މެދު އަމިއްލަޔަށް ހިތްހަމަޖެހިގެން ކޮންފިޑެންޓް ވެގެން ހުރީމާ އެ ހިސާބުން އެހެން މީހެއްގެ ވެލިޑޭޝަނެއް ބޭނުމެއް ނުވާނެ. ޖަސްޓް ކީޕް ޑުއިންގް ޔޫ.

ލައި ދަންނަ ހުރިހާ އެންމެނަށް އެނގޭނޭ އެންމެ ކަމުދަނީ ނައިކީ އަދި ޖޯޑަންސް ކަން، ލައިގެ މެޖޯރިޓީ އައުޓްފިޓްތަކަކީ މި ދެ ބްރޭންޑުގެ އެއްޗެހި. އެކަމަކު ޖެނެރަލްކޮށް ބުނަންޏާ ބްރޭންޑުތައް އެހާ މުހިންމެއް ވެސް ނޫން ރީތިވެފައި ގިނަ ދުވަހު ގެންގުޅެވެންޏާ އެ ނިމުނީ. މި އެއްޗެހި ގަންނަ އިރު ބަލަނީ ކުރިން ވެސް ބުނިހެން ކޮން ހަފްލާއަކަށްތޯ ކޮންތާކަށްތޯ މި އައުޓްފިޓް ބޭނުންކުރާނީ. ގިނަ ގޮޅިތަކުގައި ހެޔޮ ފާހަގަ ލެވެންޏާ އެއީ ގަންނަ ވަރުގެ އެއްޗެއް.

ރޫލްއެއް ވަކި ފޮލޮއެއް ނުކުރަން. އެއީ ލައިއަކަށް ނޭނގޭނެ ރޫލެއް ފޮލޯކޮށްގެން ވެސް އެގޮތަކަށް ޕޯޒް ކުރާކަށް ހަމަ އެއްވެސް ވަރަކަށް. ޑީސަންޓް ފޮޓޮއެއް ސޯޝަލް މީޑިއާގައި އިނިއްޔާ އެއީ ކެންޑިޑް ފޮޓޮއެއް. އެކަމަކު އަހަރެންގެ ސޯޝަލް މީޑިއާއަށް ބަލައިލާ ކޮންމެ މީހަކަށް ސިފަކޮށްލެވެން ބޭނުންވޭ ކޮންމެވެސް ވަރަކަށް ލައި އަކީ ކޮންކަހަލަ މިޒާޖެއްގެ މީހެއްކަން. ފޮޓޯތަކުންނާއި ހެދުން އަޅާ ގޮތުން ބަލާލާ ކޮންމެ މީހަކަށް އެނގެން ބޭނުންވޭ އެއީ އަސްލުކަން. އައި ޓްރައި ޓު ބީ ޓްރޫ ޓު މައި ސެލްފް.

މި ވާހަކަ ދެއްކިދާނެ ކިތަންމެ އިރެއްވަންދެން ވެސް. އަހަރެންގެ އަންހެލްދީ އޮބްސެޝަންއަކީ ސްނީކާސް. ކުރިންސުރެއް ވެސް ލައި އަކީ ވަރަށް ބޫޓު މީހެއް. އަމިއްލަޔަށް މަސަތްކަތް ކޮށްގެން ފައިސާ ހޯދަން ފެށުނީމަ މަޑު މަޑުން އަމިއްލަ ބޫޓު އެއްކުރަން ފެށުނީ.

މެޖޯރިޓީ އަކީ ޖޯޑަންސް. އުޅޭނެ ޖޯޑަން ވަންސް، މިޑްސް އަދި ޑަންކްސް. ޖޯޑަންސް ނޫން އެއްޗަކަށް ލައިގެ ކަލެކްޝަންގައި ހުނާނީ ލެބްރޯންސް އާދި ކައިރީސް. މިހުރިހާ ބޫޓެއްގައި ވެސް ހުންނަ ކޮމަން ކަމަކީ ކުލަތައް. ބޭނުންވަނީ އެކި ކުލަތަކުން ކަލެކްޝަން ބޮޑުކުރަން. ބޫޓަކީ ލައިގެ އައުޓްފިޓުތަކުގެ ސްޓޭޓްމަންޓް ޕީސް.

ސަތޭކަ ޕަސެންޓު ތެދެއް. އައުޓްފިޓްހާ ފުރިހަމައަށް މީރު ވަސް ވެސް ހުންނަންވާނެ. އެމީހެއްގެ ގައިން ދުވާ މީރު ވަހަކީ އެހެން މީހުން ހަނދާން ހުންނާނެ އެއްޗެއް. އެކަމަކު ސެންޓު ގެންގުޅުމުގައި ލައިއަށް ސްކޫލުގައި އުޅުނު އިރު ވެސް ހަމަ ކަމުދަނީ ފިރިހެން ސެންޓު. ހަދާން ހުރޭ ސްކޫލަށް ދާއިރު ބައްޕަގެ ސެންޓު ޖަހައިގެން ދާ ހަނދާން. އޭރުއްސުރެއް ފިރިހެން ސެންޓަށް ލޯބި ހުންނަނީ. ދެން ވެދާނެ އެއީ ލައިއަށް ފްލޯރަލް ނުވަތަ ސްވީޓް ވަސްތައް ކަމުނުދާތީ ކަމަށް ވެސް. ގިނަ އަންހެން ސެންޓުތަކުގައި ވަސް ހުންނަނީ މިހެން.

އެންމެ ކަމުދާ ސެންޓު ތަކުގެ ތެރޭގައި ހިމެނެނީ މޮންޓް ބްލަންކް އެމްބްލެމް، ޑިއޯ ސައުވޭޖް، 212 ވީއައިޕީ ބްލެކް، ބުލްގާރި މެން އިން ބްލެކް. މި ދުވަސްކޮޮޅުގެ ފޭވަރިޓް އަކީ ޓޮމް ފޯޑް ޓަސްކަން ލެދާ.