ބަދިގޭގައި އުޅޭއިރު ކުޑަކޮށް ފިހުމަކީ ހަމަ އާންމު ކަމެކެވެ. ފިހިއްޖެ ނަމަ އެ ތަނަކަށް ފެން އަޅައިގެން ފިނިކުރުމަކީ އެންމެ މުހިންމު އެއް ކަންތަކެވެ. އެކަމަކު ކުޑަކޮށް ފިހޭ ތަނެއްގައި ފޮޅު ނެގިޔަ ނުދޭން ފިޔާ ބޭނުންކުރެވިދާނެ އެވެ. ފިޔާއެއް ފަޅިކޮށްލާފައި، ފިހުނު ތަނުގައި އުނގުޅާށެވެ.

ގިނަ ދުވަސް ވުމުން ނުވަތަ މާހައުލުމުގެ ގޮތުން މާމުއިގައި ކްރިސްޓަލް ގޮތަށް، ގަނޑު ހެދިދާނެ އެވެ. މިހެން ވެއްޖެ ނަމަ މާމުއިތައް އުކާލުމުގެ ބަދަލުގައި، މާމުއި ފުޅި ހޫނު ފެނުގެ ތެރޭގައި އިރުކޮޅަކު ބެހެއްޓުމުން ކްރިސްޓަލްތައް ދިޔާވާނެ އެވެ. މާމުއިގައި މިގޮތަށް ކްރިސްޓަލް އުފެދުނަ ނުދިނުމަށް މާމުއި ފުޅި، ފިނި ތަނެއްގައި ނުވަތަ ފްރިޖުގައި ނުބަހައްޓާށެވެ.

އަލުވި ކައްކާފައި ހުންނައިރު ހަފާލަން މީރުވާ ވަރަށް ހަރުކޮށް، މުރަނަކޮށް ބަހައްޓަން ފެންގަނޑު ތެރެއަށް ފުށްކޮޅެއް އަޅައިގެން ކައްކާށެވެ. މިހެން ހެދުމުގެ އަލުވިތަކުގެ ބޭރު ހުންނާނީ ހަރުކޮށެވެ.

އަލުވި ފަދަ އެއްޗިއްސާއި ޕާސްތާ މަޑުކުރުމަށް ފެނުގައި ކެއްކުމަށް ފަހު އެ ފެންތައް ބޭނުމެއް ގޮތް ގޮތުގައި އުކާލާނެ ކަމެއް ނެތެވެ. މި ފެންތައް ހިހޫވުމުން ގަހަށް ދޭށެވެ. މިއީ ގަހަށް ބޭނުންވާ ނިއުޓްރިޝަނުން މުއްސަނދި ފެނެކެވެ.

ދޮންކޭލަކީ ވަރަށް އަވަހަށް ހަލާކުވާ އެއްޗެކެވެ. ރަނގަޅަށް ދޮން ނުވެ ހުންނަ ކެޔޮ ގަނެފައި ބަހައްޓަނީ ގިނަ ދުވަހު ބޭނުންކުރެވޭނެ ކަމަށް ބަލައިފަ އެވެ. އެކަމަކު ކެޔޮ އަރިއެއް ގަތުމަށް ފަހު އެ އަރިން ވައްތައް ވަކިކޮށްފި ނަމަ މާ އަވަހަށް ދޮންވެ ހަލާކުވާނެ އެވެ. އެހެންވެ، ބޭނުންކުރަން ވީމާ ނޫނީ ކެޔޮ ވައް އަރިން ވަކި ނުކޮށް ބަހައްޓާށެވެ.