ޕިޓް މި އާ ސައިކަލުގައި އަސްލު ދިޔައީ، އޭނާގެ ކުރީގެ އަންހެނުން އަދި އެމެރިކާގެ އެކްޓްރެސް އެންޖެލީނާ ޖޯލީގެ ގެއަށް ކަމަށްވެ އެވެ. އޭނާގެ ކުދިންގެ ގާތަށެވެ.
ޕިޓަކީ ސައިކަލަށް "މޮޔަވާ" މީހެކެވެ. އެކަން އެންމެ ރަނގަޅަށް ސާފުވެ، އެނގުނީ 2014 ވަނަ އަހަރު ޕިޓް ކުޅުނު އެކްޝަން ވޯ ފިލްމު "ފިއުރީ" ގައި އޭނާ ދުއްވި އަގުބޮޑު ސައިކަލު އަސްލަށް ވެސް ގަތުމުންނެވެ. އެއީ 250،000 ޔޫރޯގެ އަގުހުރި، "ވޯލްޑް ވޯ ޓޫ" ގެ ސައިކަލެކެވެ. ބްރެޑްގެ ސައިކަލު ކަލެކްޝަންގައި ދުނިޔޭގެ އެންމެ އަގުބޮޑު ސައިކަލު ކަމަށްވާ "އިކޯސް ޓައިޓޭނިއަމް ސީރީޒް އެކްސް އެކްސް" ސައިކަލެއް ވެސް އެބަހުއްޓެވެ. ޔަމަހާ އާރް ވަން އަކާއި ޑުކަޓީ ޑެސްމޮސެޑިޗީ އާރް އާރް އަދި އިންޑިއަން ލެރީ އެއްވެސް އެބަހުއްޓެވެ.
ޕިޓް އެމީ އަށް މިފަހަރު ނޮމިނޭޓްވީ ގެސްޓް އެކްޓާ ކެޓަގަރީންނެވެ. އެއީ އެންބީސީގެ ކޮމެޑީ ޓޯކް ޝޯ "ސަޓަޑޭ ނައިޓް ލައިވް" ގެ ގެސްޓެއްގެ ގޮތުގަ އެވެ. މިދިޔަ އެޕްރީލް މަހު، ތިން މިނެޓުގެ ވަގުތުކޮޅަކަށް، މެހުމާނެއްގެ ގޮތުގައި ޕިޓް އެ ޝޯގައި ބައިވެރިވި އެވެ. އޮސްކާ އެވޯޑް ދެ ފަހަރެއްގެ މަތިން ކާމިޔާބުކޮށްފައިވާ ޕިޓް އަށް މީގެ ކުރިން ހަތަރު ފަހަރެއްގެ މަތިން ވަނީ އެމީ ނޮމިނޭޝަންތައް ލިބިފަ އެވެ. އޭގެ ތެރެއިން އެއް ނޮމިނޭޝަން ކާމިޔާބުކޮށް، ޕިޓް ވަނީ އެމީ އެވޯޑް އުފުލާލައިފަ އެވެ.