ގެލެރީ ފުރޭ ވަރަށް ސްކްރީންޝޮޓުތަށް ނަގަނީ ކީއްވެތޯ އަހަރެމެން އެކި މީސްމީހުން ގާތު އެހީމެވެ. ލިބުނު ޖަވާބުތަކުން އެންމެ ގިނައިން ލިބުނު ޖަވާބުތައް މި ލިސްޓުކޮށްލަނީ އެވެ.

ރީތިކޮށް ހަދާފައި ހުންނަ ބެލްކަނިތަކާއި ޓެރަސް އަދި ކޮޓަރި އާއި ސިޓިން ރޫމު ރީތިކުރާނެ ގޮތްތަކުގެ ހިޔާލުތައް ފޯނުން ފުރިގެން ބަންޑުންވާއިރު ވެސް އުޅޭ ތަން އޮންނާނީ ހަމަ އޮންނަ ގޮތަށެވެ. އައިޑިއާތައް ފެންނަލެއް ގިނަވެފައި އެއް ފަހަރު ފެންނަ އެއްޗަކަށްވުރެ ދެން ފެންނަ ފޮޓޯ ރީތިވާތީ، ވަނީ ސްކްރީންޝޮޓް ނަގާހާ އެވެ.

ދެން އެންމެ ގިނައީ ހެދުން ޑިޒައިންތަކާއި ކައްކާ ރެސިޕީތަކެވެ. ކުޅުދިޔާވާ ވަަރުގެ އެކި ކަހަލަ ކެއުންގަނޑު ކައްކާލާނަމޭ ހިތަށް އަރުވައިގެން ރެސިޕީގެ ސްކްރީންޝޮޓެއް ނަގާފައިވާ ބައިންދަނީ އެވެ. އަދި ދެން އެންމެ އަވަހަށް އޮންނަ ޕާޓީއަކަށް ލާނީ އެ ޑިޒައިންގެ ހެދުމެކޭ ކިޔާފައި އަވަހަށް އޭގެ ސްކްރީންޝޮޓު ވެސް ރައްކާކޮށްލަނީ އެވެ.

މީ އެންމެ މުހިންމު ކަންތަކެވެ. މިޒަމާނުގައި މީހުންނަށް އިތުބާރުކުރުން ވެފައި ވަނީ ބޮޑު ކުޅިވަރަކަށެވެ. އެހެންވެ މައްސަލަ ޖެހޭއިރު ރައްޓެހިންނަށް ދައްކާލުމުގެ ބޭނުމުގައި، ފަހުން ދައްކާލަން ބާއްވާ ހެއްކެއްގެ ގޮތުގައި ފޮރުވާފައި ހުރި ޗެޓްލޮގްތައް ވެސް ބައިވަރެވެ.

އޮންލައިންކޮށް އެއްޗެހި ގަތުމާއި މީހުންނަށް ފައިސާ ފޮނުވުން ފަދަ ކަންކަމުގައި އެންމެ އާންމު އެއް ގޮތަކީ މިހާރު ޑިޖިޓަލްކޮށް އެކަން ކުރުމެވެ. ފައިސާ ޓްރާންސްފާ ކޮށްފައި، އެ ފައިސާ ދެއްކި ކަމެއް ހަމަޖެހި ނިމެންދެން ފޯނުގައި ބާއްވާލާ ރިސީޓްތައް ޑިލީޓްކޮށްލަން ފަހުން ހަނދާނެއް ނުހުރެ އެވެ. އެއީ ވެސް ގެލެރީއަށް ޖަމާވާ ކުންޏަކަށް އޮތީ ވެފަ އެވެ.

އެކި ގްރޫޕްތަކަށް، އެކަމާ އެންމެ ގުޅޭ ވަގުތެއްގައި ފޮނުވާލަން ސްކްރީންޝޮޓް ހަދާފައިވާ ސޭވްކޮށްލާ މީމްތައް ވެސް ފޯނުގައި ވަރަށް ގިނައިން ގެންގުޅޭ މީހުން އުޅެ އެވެ. މީގެ މީހެއްގެ އަތުގައި ކޮންމެ މައުލޫއަކާ ގުޅޭ މީމް ވެސް ހުންނާނެ އެވެ.