މި އަހަރުގެ އެވޯޑް ސީޒަން މި ފެށުނީ އެވެ. ކޮންމެ އަހަރަކު ބާއްވާ ގޯލްޑަން ގްލޯބްސް އެވޯޑު ޝޯގެ 82 ވަނަ ހަފްލާގައި އެވޯޑު ލިބުނު މީހުންގެ ވާހަކަ ބާއްވާށެވެ. މި ހަފްލާގެެ ރަތްދޫލަ މަތިން ފެނުނު ގިނަ ތަރިންގެ ހެދުންތަކާއި ލުކްތައް ނިކަން ހިތްގައިމެވެ. ނަމަވެސް މި ފަހަރު މި ބަލައިލަނީ މި ރަތްދޫލަމަތިން އެންމެ ގިނަ މީހުންނަށް ކަމުދިޔަ ތަރި އަދި އޭނާގެ ސްޓައިލަށެވެ.

އެންމެ ރީތިކޮށް ހެދުން އަޅާ ތަރިންގެ ނަަންތައް ކިޔާލާއިރު ޒެންޑޭޔާގެ ނަން ނުހިމަނައި ހަފްލާއެއްގެ ލިސްޓެއް ފުރިހަމައެއް ނުވާނެ އެވެ. މިފަހަރު ލިސްޓު އެއްލާލާފައި ހަމައެކަނި ޒެންޑޭޔާގެ ހެދުމުގެ ވާހަކަ ދައްކާލަން ހިނގާށެވެ.

އޭނާ މި ހަފްލާއަށް ތައްޔާރުކޮށްދޭން ސްޓައިލްކޮށްދިނީ ލޯ ރޯޗް އެވެ. ކުރީގެ ހޮލީވުޑް ސްޓައިލަކަށް ހުރި މި އޮރެންޖު ކުލައިގެ ސިލްކު ގައުން މުޅި ސޯޝަަލް މީޑިއާގައި މި ހަފްތާގައި ވައިރަލް ވެއްޖެ އެވެ. ލުއީވިޓޮން ބްރޭންޑުގެ މި ހެދުމުގައި ޒެންޑެޔާ ހުރި އިރު އޭނާއަކީ މި ބްރޭންޑުގެ އެމްބަސެޑަރެކެވެ. ޒެންޑޭޔާގެ އިސްތަށިގަނޑުގެ ކުލަޔާއި ހަމުގެ ކުލަޔާ އެންމެ ފުރިހަމައަށް ގުޅޭ ޝޭޑުގެ މި ރީތި އެލެގެންޓު ޑިޒައިން މިހާރު ގިނަ ބައެއްގެ ޑްރީމް ހެދުމުގެ ލިސްޓަށް އަރަައިފި އެވެ.

ބުލްގާރީ ބްރޭންޑުގެ ގަހަނާ ސެޓެއްގެ ފަށަކާއި ކަންފަތުގައި އެއްޗެއް ލައްވާލާފައި ހުރި އިރު އޭނާގެ އަތުގައި އަޅާފައި އޮތް އަނގޮޓިއަށް ގިނަ ބައެއްގެ ސަމާލުކަން ހުއްޓުނެވެ. ޒެންޑޭޔާގެ ލޯބިވެރިޔާ ކަމަށްވާ ޓޮމް ހޮލެންޑު ނުވަތަ އޭނާގެ "ސްޕައިޑާމޭން" ގެ އަތުގައި ވެސް މިކަހަލަ ވިދުން ގަދަ އަނގޮޓިއެއް އަޅާލާފައި އޮތެވެ. އެހެންވެ ގިނަ ބަޔަކު ވަނީ މި ދެ ލޯބިވެރިން އެންގޭޖުވީ ކަމަށް ވެސް ނިންމައިފަ އެވެ.