"ވަންސް އަޕޮން އަ ޑްރީމް" ގެ ނަމުގައި ޕައުލޯ ސަބަސްޗަންގެ ސްޕްރިންގް ސަމާ 2018 ގެ ކަލެކްޝަން ވަނީ ދައްކާލައިފަ އެވެ. މި ކަލެކްޝަން ދައްކައިލި ލޮކޭޝަން ވަނީ 1950 ވަނަ އަހަރުގެ ޑްރީމްލޭންޑެއް ގޮތަށް ތައްޔާރުކޮށްފަ އެވެ.

މާތަކެއްގެ ޖަންގައްޔެއް ސިފަވާގޮތަށް ތައްޔާރުކޮށްފައިވާ މި ތަނުގައި ދައްކާލި ކޮންމެ ހެދުމެއް ވެސް ވެގެން ދިޔައީ ކުޑައިރުގެ ހަނދާންތައް އާ ކޮށްދިން ހެދުންތަކަކަށެވެ.

ޓައިޓަލްއާ އެއްގޮތަށް މި ޝޯގައި ސިންދަރެއްލާ، ސްނޯ ވައިޓް، ސްލީޕިންގް ބިއުޓީ ފަދަ ކާޓޫންތަކުން އިންސްޕަޔާ ވެފައިވާ ޖުމްލަ 34 ހެދުން ފެނިގެން ގޮސްފައިވެ އެވެ.

މަޑު ޝިފޯން އަދި ތުލް ފޮތީގެ ޕޭސްޓަލް ކުލަތަކުގެ ދިގު ލޭޔާޑް ސްކާޓްތަކެއް މި ރަންވޭއިން ފެނިގެން ދިޔަ އެވެ. ޝޯގެ އޯޑިއަންސް ބުނާގޮތުގައި ހެދުމަކަށް ފަހު ހެދުމެއް ދިޔައީ އެމީހުންގެ ހިތްތައް ދަމައިގަންނަމުންނެވެ.

ވިދަމުން ދިޔަ ފުރިހަމަ މިނާގެ މަސަތްކަތްތަކާއި އެމްބްރޮއިޑަރީ އަދި އަތުން ފަހާ ހަރުކޮށްފައި ހުރި ބޭމްބީ ކާޓޫންގެ ކެރެކްޓާ ފާހަގަ ކޮށްލެވުނެވެ.

"ފެެއާރީ ޓޭލް ޑްރީމް" އެއް ގޮތަށް ފެނިގެންދިޔަ މި ހެދުންތަކުގެ ބައެއް ޓެކްނީކްތައް ގްރޭސް ކެލީގެ ކައިވެނީގެ ހެދުމާ ވެސް ވައްތަރެވެ.

މި މަހު ބޭއްވި އެޑަލެއިޑް ފެޝަން ފެސްޓިވަލް، ޕައުލޯ ސިބަސްޗަން ބްރޭންޑްގެ އިސް ޑިޒައިނަރު އަދި ކްރިއޭޓަރު ޕޯލް ވަސިލެފްގެ މި ކުޓުއާ ކަލެކްޝަނާ އެކީ ވަނީ ނިމިގެން ގޮސްފަ އެވެ.