ބައިވެރިންނަށް މާކްސް ދޭނީ ޕަބްލިކް ވޯޓުގެ 50 ޕަސެންޓާއި ޖަޖުންގެ 50 ޕަސެންޓް ވޯޓުންނެވެ.

ވޯޓު ދިނުމަށް އެސް.އެމް.އެސް ކުރާނީ TMM (ސްޕޭސް) ކޮންޓެސްޓަންޓުގެ ނަން ޖެހުމަށް ފަހު، ދިރާގު ކަސްޓަމަރުން 2442 އަށް އަދި އުރީދޫ ކަސްޓަމަރުން 5667 އަށެވެ. ކޮންމެ ނަންބަރަކުން ވެސް އެންމެ ގިނަވެގެން ފޮނުވޭނީ 50 މެސެޖެވެ.

ތިރީގައި އެ ވަނީ މުބާރާތުގެ ގަދަ 10 ގައި ހިމެނުނު ބައިވެރިންނެވެ.

އުމުރުން 26 އަހަރުގެ ދީނާ އެންމެ ބޭނުންވަނީ ޕްރޮފެޝަނަލް މޮޑަލް އަކަށް ވާށެވެ. ހުސްވަގުތު ދިނާ ކުރާހިތްވާ ކަންތައްތަކުގެ ތެރޭގައި ލަވަކިއުން، ކުރެހުން، ނެށުން، ޑައިވް ކުރުން އަދި ކެއްކުން ހިމެނެ އެވެ.

ނަދުހާ އަށް 17 އަހަރެވެ. އެންމެ ބޭނުންވަނީ އަމިއްލަޔަށް މަސަތްކަތް ކޮށްގެން ކާމިޔާބު އަންހެނަކަށް ވުމެވެ. ނަދުހާގެ ހޮބީ އަކީ ވޭކް ބޯޑް ދުއްވުމުމެވެ. އޭނާ އެންމެ ކުރަން ބޭނުންވާ ކަމަކީ ގައުމުތަކަށް ދަތުރުކުރުމެވެ.

މަލްސާ، 23، ގެ ހުވަފެނަކީ މޮޑަލް އަކަށް ވުމެވެ. އޭނާގެ ހޮބީ އަކީ ފެތުމާއި ޖިމަށް ދިއުމާއި ނިދުމެވެ.

ހަނާން، 24، ގެ ހުވަފެނަކީ ވެސް އަދި އެންމެ ބޭނުންވާ ކަމަކީ ވެސް ދުނިޔޭގެ އެކި ގައުމުތަކަށް ދަތުރުކުރުމެވެ. އަދި ކެބިން ކްރޫ އަކަށްވުމެވެ. އޭނާގެ ހޮބީ އަކީ ކުރެހުމެވެ.

ބުނާނަތު، 26، އެންމެ ބޭނުންވަނީ އެކި ތަންތަނަށް ދަތުރުކޮށް ސޯޝަލައިޒްކުރާށެވެ. އޭނާގެ ހޮބީ އަކީ މަތިންދާބޯޓުގައި ދަތުރުކުރުމާއި ކެއްކުމާއި ނެށުމެވެ. އޭނާގެ ހުވަފެނަކީ އެންމެންވެސް ގަދަރުކުރާ މީހަކަށް ވުމެވެ.

މިރުޝާ، 17، ހޮބީ އަކީ ޝޮޕިންގެ ކުރުމެވެ. އޭނާ އެންމެ ކުރާހިތްވާ ކަމަކީ ދަތުރުކުރުމެވެ. އަދި މިރުޝާގެ ހުވަފެނަކީ ގިނަ އަންހެނުންތަކެއް ބާރުވެރި ކުރުވާނެ ވަރުގެ އިންސްޕިރޭޝަނަކަށް ވުމެވެ.

ސައިނާ، 17، ގެ ހުވަފެނަކީ ސައިކޮލޮޖިސްޓަކަށް ވުމެވެ. އޭނާ އެންމެ ބޭނުންވަނީ މީހުން އިންސްޕަޔާ ކުރާވަރުގެ މީހަކަށް ވުމެވެ. ހޮބީ އަކީ ކުރެހުމެވެ.

އުމުރުން 19 އަހަރުގެ ޖަމްޝީދާގެ ހޮބީ އަކީ ލަވަކިޔުމާއި ނެށުމެވެ. ޕައިލެޓަކަށް ވުމަކީ އޭނާގެ ހުވަފެނެކެވެ.

ޝަފީގާ، 17، ބޭނުންވަނީ ޕްރޮފެޝަނަލް ޕޮޓޯގްރަފަރަކަށް ވުމެވެ. އޭނާގެ ހޮބީ އަކީ ކުޅިވަރު ކުޅުމެވެ.

އިނާޝާ، 17، ހުވަފެނަކީ ކާމިޔާބު މީހަކަށް ވުމެވެ. އޭނާގެ ހޮބީއަކީ މޮޑަލް ކުރުމެވެ.