ސޯނިއާ އަކީ ހަމައެކަނި ވީޑިއޯ ލަވަ ކުޅެގެން މަޝްހޫރުވި ކުރީގެ ތަރިއެކެވެ. މިހާރު ދާއިރާއާ ދުރުގައި ހުރި ނަމަވެސް، ސޯނިއާގެ އާ "ވީޑިއޯ ލަވަތައް" ޓިކްޓޮކް ބަލާ މީހުނަށް ފެންނާނެ އެވެ.

ވީޑިއޯ ލަވަތަކާއި ޑްރާމާ އަދި ފިލްމުތަކުން ފެނުނު ކުރީގެ ތަރި، ނީލަމް ވެސް ޓިކްޓޮކްގައި އުޅެ އެވެ. އެކަމަކު ނީލަމް މިހާރު ވަނީ އޭނާގެ އެކައުންޓް ޕްރައިވެޓް ކޮށްފަ އެވެ.

އެންމެފަހުން އާސިމް ފެނުނީ މިދިޔަ އަހަރު އެޅުވި ނިއުމާ މުހައްމަދުގެ "ނިވައިރޯޅި" އިންނެވެ. މިދިޔަ އަހަރު ފަހުކޮޅުން ފަށައިގެން އާސިމް ވެސް ޓިކްޓޮކްގައި ވީޑިއޯތައް ހަދަ އެވެ.

އާ އަހަރުގެ ފެށުމާއެކު އައްޒަ ވެސް ވަނީ ޓިކްޓޮކް ބޭނުންކުރަން ފަށައިފަ އެވެ. އައްޒަ އެންމެ ފުރަތަމަ އަޕްލޯޑްކުރި ވީޑިއޯގައި ފެންނަނީ އައްޒަ ޅައިރު ހުރި ގޮތާއި މިހާރު ހުރި ގޮތައް ބަދަލުވެގެން އައިސްފައިވާ ފޮޓޯތަކެވެ.

ޓިކްޓޮކްގައި ނުޒޫގެ 15،000 އަށް ވުރެ ގިނަ ފޮލޮވާސް އެބަ ތިބިއްބެވެ. އަދި ނުޒޫގެ ވީޑިއޯތަކަށް 45،000 އަށް ވުރެ ގިނަ ލައިކްސް ވެސް ވަނީ ލިބިފައިވެ އެވެ.

އާ ތަރިންގެ ތެރެއިން އެންމެ ގިނަ ފޮލޮވާސް ތިބީ އާޝާގެ އެވެ. އެއީ 55،000 ފޮލޮވާސް އެވެ. އާޝާ މިހާތަނަށް ފެނުނީ އަދި އެންމެ ފިލްމަކުންނެވެ. އެއީ ޑާކްރެއިންގެ "ގޮށްރާޅު" އިންނެވެ.

ޓިކްޓޮކް ވީޑިއޯތަކުން މަޝްހޫރުވެ، ބައިސްކޯފްގެ "އެހެނަސް" ސީރީޒުން ރޯމަން އަށް ފުރުސަތު ލިބުނެވެ. އެ ސީރީޒްގެ އެއް ސީޒަން ނިމި، މިހާރު ދެ ވަނަ ސީޒަންގެ މަސައްކަތް އަންނަނީ ކުރަމުންނެވެ.

ހަމަ ޓިކްޓޮކް ވީޑިއޯތަކުން މަޝްހޫރުވި ޝަރާ ވެސް ބައިސްކޯފްގެ "އެހެނަސް" ސީރީޒްގައި އުޅެ އެވެ.

މިހާރު ވަރަށް ގިނަ ފިލްމާއި ސީރީޒްތަކުގައި މަސައްކަތް ކުރަމުން އަންނަ އިރޫ ޓިކްޓޮކް ބޭނުންކުރަން ފެށީ މިދިޔަ އަހަރު ފަހުކޮޅު، އޭނާ މިހާރު މަސައްކަތް ކުރަމުން އަންނަ ފިލްމު "ކޮސް ގިނަ މިސްޓޭކް" ޝޫޓުކުރި ދުވަސްކޮޅު އެވެ.

ޓިކްޓޮކްގައި ދެ ވަނަ އަށް އެންމެ ގިނަ ފޮލޮވާސް ތިބި ތަރިއަކީ ޝިފާ އެވެ. ޔޫސުފް ޝަފީއު (ޔޫއްޕެ) ގެ "ދެވަންސޫރަ" އިން ފިލްމީ ދާއިރާއަށް ނިކުތް ޝިފާ ވެސް ބައިސްކޯފްގެ ވެބް ސީރީޒެއްގެ މަސައްކަތް އަންނަނީ ކުރަމުންނެވެ.