އެމެރިކާގެ ކުޅަދާނަ އެކްޓަރު ބްރަޔަން ކްރޭންސްޓަން ދުނިޔެ އަށް ތައާރަފްކޮށް އެންމެންގެ ފެވަރިޓަކަށް ބަދަލުކޮށްލީ ވޯލްޓާ ވައިޓްގެ ގޮތުގައި ވިންސް ގިލިއަންގެ "ބްރޭކިން ބޭޑް" އިންނެވެ. އެއަށް ފަހު އަބަދުވެސް ފޭނުން ބޭނުންވަނީ ކްރޭންސްޓަން، ވޯލްޓާ ވައިޓް ގެ ގޮތުގައި އެނބުރި އައުމަށެވެ. ނަމަވެސް އެކަން ވެދާނެހެނެއް ހީނުވެއެވެ. އެކަމަކު ބްރަޔަން ކްރޭންސްޓަންގެ އާ ޑްރާމާ "ޔުއާ އޮނާ" އަކީ އޭނާ ކުޅުނު ވޯލްޓާ ވައިޓަށް ދޫކުރާ ކަހަލަ ޑްރާމާއެއް ނޫނެވެ. މި ޑްރާމާގައި ވެސް ކްރޭންސްޓަން ކުޅެނީ ވަރަށް ރަނގަޅު މީހެއްގެ ގޮތުގައި އުޅުމަށް ފަހު "ބްރޭކިން ބޭޑް" ވެގެން ގޮސް ހައްދުފަހަނަޅައިދާ މީހެއްގެ ރޯލެވެ.