ސިސްޓް ހުރި ކަމުގައި ވިޔަސް ބޮޑު އެހެން ބައްޔެއް ނެތް ނަމަ ރޯދަމަހުގެ ކެއުން ބަހައްޓަންވީ ހަމަ އެހެން މީހުން ވެސް ބަހައްޓަ ކަހަލަ ގޮތަކަށް.

ފުށް، ބިސް އަދި މަސް ފަދަ ތަކެއްޗަށް އެލާޖިކް ވާނަމަ އަދި އެހެން އިތުރު ތަކެއްޗަށް ވެސް އެލާޖިކްވުން އެކަށީގެންވޭ. މިފަދަ ކުދިންނަށް ޑައިޓެއް ކިޔައިދިނުމުގެ ބަދަލުގައި ބުއްދިވެރި ގޮތަކީ ޑައިޓީޝަނަކަށް އެލާޖީ ޓެސްޓް ރިޕޯޓާ އެކު ދަރިފުޅު ދައްކައިގެން މެޑިކަލް ނިޔުޓްރިޝަން ތެރަޕީ ހޯއްދެވުން.

މާބަނޑު މީހުން ވެސް ރޯދަމަހު ކެއުން ބަހައްޓާނީ އެހެން މީހުނެކޭ އެއްކަހަލަ ގޮތަކަށް. ބަނޑަށް ފުރަތަމަ ތިން މަހު ކެއުން އިތުރު ކުރާކަށް ނުޖެހޭނެ. ބަނޑަށް 3 މަހާ 6 މާހާ ދޭތެރޭ ބޮޑު އެއް ކެއުން އިތުރު ކޮށްލާނީ (އެއީ ސޭންޑްވިޗަކާއި ކިރުތައްޓެއްގެ މިންވަރު). ބަނޑަށް 6 ފުރި 7 މަހަށް އެޅުމުން މި އަދަދަށް ލުއި އެއް ކެއުން އިތުރު ކޮށްލާނީ (އެއީ މުށެއްހާ ނަޓްސް). މާބަނޑުއިރު ހަކުރު/ ލޭ މައްޗަށް ދާނަމަ ނުވަތަ ހޮޑު ލެވޭނަމަ ކެއުމުގެ އާދަތައް ކޮންމެ ވެސް ވަރަކަށް ތަފާތު ކޮށްލަން ޖެހޭ. މިފަދަ މީހުން ޑައިޓީނަކާއި އެކު މަޝްވަރާ ކުރުމަށް ފަހު ކެއުންތައް ބައްޓަން ކޮށްލާނީ.