މީގެ 45 އަހަރު ކުރިން، ހަތްދިހައިގެ އަހަރުތަކުގައި އައްޑޫ މީހުންގެ ދިރިއުޅުމުގެ ވައްޓަފާޅި އާއި އާމްދަނީ ހޯދުމަށް އެމީހުން ކޮށް އުޅުނު ތަފާތު މަސައްކަތްތަކާއި އަދި އާންމު ދިރިއުޅުމުގެ އެތައް ހަނދާނެއް މި ފޮޓޯތަކުގައި ރައްކާކޮށްފައި އެބަހުއްޓެވެ. މިއީ ދެ ވަނަ ބޮޑު ހަނގުރާމައިގެ ދުވަސްވަރު އިނގިރޭސިވިލާތުން އައްޑޫގައި ގާއިމްކުރި، ރޯޔަލް އެއާ ފޯސް ސްޓޭޝަން ބަންދުކުރަން އުޅުނު ދުވަސްވަރު، އެ ސްޓޭޝަންގައި އޭރު މަސައްކަތް ކުރި ސްޓޭޝަން ފޮޓޯގްރަފާ، ރިޗާޑް ހާކޯޓް ނެގި ފޮޓޯތަކެކެވެ.

އައްޑޫ ސިޓީ ކައުންސިލްގެ ފޭސްބުކް ޕޭޖްގައި މި ފޮޓޯތައް އާންމުކުރުމާ އެކު ގިނަ ބައެއްގެ ސަމާލުކަން ވަނީ ލިބިފަ އެވެ. މި ފޮޓޯތަކުން އެ ފެންނަ މީހުންނަކީ ކޮން ބައެއް ކަމާއި އެމީހުންގެ ވާހަކަތައް ކޮމެންޓުތަކުގައި ވެސް ބައެއް މީހުން ކޮށްފައިވާ ކޮމެންޓުތަކުގައި ލިޔެފައި އެބަހުއްޓެވެ.

އެއް ބައެއްގެ ކާފަމެން، މާމަމެން، މަންމަމެން، ބައްޕަމެން، ދައްތަމެން އަދި ބޭބެމެން ވެސް އެބަ ތިއްބެވެ. އޭރު އައްޑޫގައި ހުރި ތަންތަނާއި މިހާރު ނެތް ތަންތަނެވެ. އޭރު ފެނުނު ކަންކަމާއި މިހާރު ނުފެންނަން އެކި ކަންކަން ވެސް މެ އެވެ.

ރޯޔަލް އެއާ ފޯސް ސްޓޭޝަން ގާއިމްކުރީ 1941 ވަނަ އަހަރު އެވެ. އެކަމަކު ދެ ވަނަ ބޮޑު ހަނގުރާމަ ނިމުމާއެކު ހަތްދިހައިގެ އަހަރުތަކުގައި އެތަން ބަންދުކުރި އެވެ. އޭގެފަހުން ދިވެހި ދައުލަތުން އެތަން އެއާޕޯޓަކަށް ބަދަލުކުރި އެވެ. މިހާރު ގަން އިންޓަނޭޝަނަލް އެއާޕޯޓް އެ ހިންގަނީ އެ ތަނުގަ އެވެ. މި ފޮޓޯތައް ނަގާފައި ވަނީ އެތަން ބަންދުކުރުން އުޅުމުގެ ދުވަސްތަކެއް ކުރިން، ސެޕްޓެމްބަރު 1975 އާއި މާޗް 1976 ދެމެދުގަ އެވެ.

މީގެ 77 އަށް ވުރެ ގިނަ ފޮޓޯ ފޭސްބުކަށް ލައިފައި އެބަހުއްޓެވެ. އޭގެ ތެރޭގައި ކުލަ ފޮޓޯތަކާއި އަދި ބްލެކް އެންޑް ވައިޓް ފޮޓޯތައް ވެސް ހިމެނެ އެވެ. އަހަރެމެން މި ގެނެސްދެނީ އޭގެ ތެރެއިން ހޮވާލައިގެން ބައެއް ފޮޓޯތަކެވެ.