މޯލްޑިވިއަން އައިޑޮލްގެ ތިން ވަނަ ސީޒަންގެ "ހީރޯ" އަކީ ހަމަ ހަގީގަތުގައި ވެސް އެއްވަނަ އާ އެކު އައިޑޮލްގެ ލަގަބު އުފުލައިލި އައިޝަތު އަޒަލް އެވެ. ދެ ފަހަރު ބައިވެރިވެގެން ފެއިލްވުމުން ވެސް އުންމީދު ކަނޑާނުލައި ތިން ވަނަ ސީޒަންގައި ބައިވެރިވެ ކާމިޔާބުކުރީ އެވެ. ހިތްވަރާއެކު މަސައްކަތްކޮށްގެން ކޮންމެ ކަމެއް ވެސް ކާމިޔާބު ވާނެކަން ސާބިތުކޮށް ދިނެވެ.

އަޒަލް އާއި މިއުޒިކާ އޮތީ އާދައިގެ ގުޅުމެއް ނޫނެވެ. އެއީ ހަމަ ހިތުން ހިތަށް އޮތް ގުޅުމެކެވެ. ގިޓާ އާއި ޕިއާނޯ މޮޅަށް ކުޅެން އޭނާ ދަނެ އެވެ. ގްރޭޑް ފަހަކާ ހަމައަށް ވޯކަލް އަދި މިއުޒިކް ތިއަރީ ކިޔެވި އެވެ. ގިޓާ އަދި ޕިއާނޯ އިން ބައިނަލްއަގްވާމީ އިމްތިހާނުތައް ވަނީ ކާމިޔާބުކޮށްފަ އެވެ. އޭގެ އިތުރުން މޯލްޑިވްސް މިއުޒިކް އެންޑް އާޓްސް ސެންޓަރުން ތިން ފަހަރަށް ބެސްޓް އޯލްރައުންޑްގެ މަގާމު ހޯދި އެވެ.

އެކަމަކު މިއުޒިކަކީ އަޒަލްގެ ޕެޝަން އެކެވެ. މިއުޒިކަކީ އަޒަލްގެ ފަސްޓް ޗޮއިސްއެއް ވެސް ނޫނެވެ. ނަމަވެސް މިއުޒިކްގެ ދުނިޔޭގައި އަބަދުވެސް އޭނާ ފިޔަ ޖަހާނެ އެވެ. މިއީ އަޒަލްގެ ފޭނުން އެންމެ އުފާވާނެ އެއް ވާހަކަ އެވެ. މިކަހަލަ އުފާވެރި އެހެން ވާހަކަތައް ވެސް އެބަހުއްޓެވެ.

"އަޒަލްގެ ޕްލޭނަކީ ވީހާވެސް އަވަހަކަށް ލަވައެއް ނެރުމަށްވުރެ ބޮޑަށް ތަންކޮޅެއް ހަމަޖެހިލައިގެން ހަމަ އޯން ޓައިމްގަ ވީހާވެސް ރަނގަޅު ގޮތަކަށް މިއުޒިކް އެރޭންޖްކޮށްލާފަ ރަނގަޅު ލަވައެއް ނެރެވޭތޯ. ހަމައެކަނި ލަވަ ނެރުމަކަށް ނޫން ކޮންސެންޓްރޭޓްކުރާނީއެއް. ކިޔެވުމަށާ އެއްކޮށް މިއުޒިކަށް ކޮންސެންޓްރޭޓްކުރާތީ އަސްލު. އެކަމަކު ދެ ތިން މަސް ތެރޭގައި ލަވައެއް ނެރެވޭތޯ މި މަސައްކަތް ކުރަނީ."

"މިއުޒިކް އަކީ ސެކަންޑްރީ ކެރިއާއެއްގެ ގޮތަށް އަސްލު މި ޗޫޒްކުރީ. އޮރިޖިނަލް ކެރިއާއަކީ މިއުޒިކެއް ނޫން. މިއުޒިކަކީ އަޒަލްގެ ވަރަށް ބޮޑު ޕެޝަންއެއް ވީމަ."

"ރޯދަމަހު އެންމެ ލުކްފޯވާޑްކުރަނީ ރޯދަ ވީއްލަން ތައްޔާރުކޮށްފަ ހުންނަ އެއްޗެހި ކެއުމަށް. ރޯދަ ވީއްލާގަޑީގައި ހަދާނެ ތަފާތު ކާއެއްޗެހި އަބަދުވެސް އާންމުކޮށް ދުވަސް ދުވަހު ނަހަދާ ކަހަލަ މީރު ކާއެއްޗެހި ހަދާތީ. އެހެންވެ އެ އެއްޗެހި ވަރަށް ކާހިތްވޭ."

"ކޮންމެހެން ވެސް ކަދުރު ހުންނަން ޖެހޭނެ ރޯދަވީއްލާ ގަޑީގައި. ކަދުރު ހުރެފަ ޖޫސް ހުރެފަ ދެން ސެލެޑެއް ހުރީމަ ރަނގަޅުވާނެ. ހާރުކާން އެންމެ ކަމުދަނީ ބަތާއި ގަރުދިޔަ ކަހަލަ އެއްޗެހި."

"އާން. ހާރުކަން ހަމަ ކޮންމެ ރެޔަކު ވެސް."

"ރޯދަމަހު ދެން ސަކަރާތްޖަހާނީ ވަކި އެހެން ކަމެއް ނުކުރަން. އެގަޑިއެއްގަ ފޫހި ފިލުވަން ކުރެވޭ ކަހަލަ ކަމެއް. ބައެއް ފަހަރު ގޭމެއް ކުޅެލައި ކޮއްކޮމެންނާއެކީ އުޅެލާ އެކަހަލަ ގޮތަކަށް."

"އަސްލު ކުރިން އެހާ ބަދިގެއަށް ވަދެ ނޫޅެން. އެކަމަކު މިއަހަރު ބަދިގެއަށް ވަދެ އުޅެން. ކުރިން ވެއްޖިއްޔާ ކިޔަވާތީވެގެން އެހާ ވަރަށް ބަދިގެއަށް ނުވެސް ވައްދާނެ. އެކަމަކު މިއަހަރު އެބަ ވަންނަން މަންމައާ އެކީ. ދެން އަޒަލް އަށް މިހާރަކަށް އައިސް ޖެހެނީ ފަނިގިރާލައި ނޫނީ ރޮށި ފިހެލާ އެކަހަލަ ގޮތަކަށް."

"އަޒަލް ދަންނަ މީހުންނަށް ކަންނޭނގެ ތިއަށް ޖަވާބެއް ދެވޭނީ. އައިޑަލް އަށް ދިޔަ ފަހުން ބައިވަރު ފޭންސް ލިބިއްޖެ. އެ އެންމެންނާ ވެސް ވާހަކަ ދެއްކޭތޯ ބަލަން. ބޭނުން ވާހަކަ ދައްކަން. ގިނައިން އެ މީހުންނަށް މި ވަގުތު ދެވެނީ ވެސް"

"ރޯދަ ވީއްލަން ވަކި ހާއްސަ ރެސްޓޯރަންޓެއް ނެތް"

"އެ ދުވަސް ނެތް އެހާ ބޮޑަކަށް ހަނދާނެއް. ހައެއް ނޫނީ ހަތް ވަރަކަށް އަހަރު އޭރުވާނީ. މަންމަމެން ބުނަނީ ވަރަށް ބަސް އަހައިގެން ހުއްޓޭ ރޯދައަށް. އަޒަލް ނެތް ހަނދާނެއް."

"އާނ ގޮސްދާނަން ޓައިމް ވެއްޖެއްޔާ. އޭގަ އަސްލު އޮންނާނީ ޓައިމް ވުން. ކޮންމެ ދުވަހަކު ވެސް އެހެން އޮވޭ ކޮންމެވެސް ކަމެއް. ޓައިމް ދެވޭ ކަހަލަ ގޮތަކަށް އޮވެއްޖެޔާ ދެވިދާނެ."

"ރޯދަމަހު ހަމަ ތެދުވެފަ އެންމެ ފުރަތަމަވެސް ފެންވަރާލައިގެން ނަމާދުކޮށްލައިގެން ގޮސްފަ ޤުރުއާން ކިޔަވަނީ. ކިޔަވާލާފަ އަނެއްކާވެސް ބަންގި ގޮވީމަ ނަމާދުކޮށްލައިގެން ދެން ބަދިގެއަށް ވަންނަނީ މަންމައަށް ހެލްޕްކޮށްދޭން. މަންމައަށް ހެލްޕްކޮށްދީފަ ބާކީ އޮންނަ ގަޑީގައި ކޮންމެސް ކަމެއް ކޮށްލަނީ. އެއީ ޓީވީ ބަލައިލަނީ ނޫނީ މޫވީއެއް ބަލައިލަނީ ނޫނީ ކޮއްކޮމެންނާ އެކީ ބޭރަށް ނުކުމެލައި ނޫނީ ކޮންމެވެސް އެއްޗެއް ކުޅެލަނީ. ދެން މިހާރަކަށް އައިސް އެހާ ބޭރަކަށް ނުއެއް ނުކުންނަން. އެގަޑީގަ ދެން ކޮންމެވެސް ގޮތަކަށް ފޫހި ފިލުވާލައިފަ ރޯދަ ވީއްލާލާފަ ދެން އަނެއްކާވެސް ނަމާދުކޮށްލައިގެން އުޅެނީ ކޮންމެވެސް ކަމަކައިގެން ރޭގަނޑު އޮންނަ ވަގުތުކޮޅުގައި. އެކަހަލަ ގޮތަކަށް ދަނީ."

"ބައެއްފަހަރު ހަމަ ވަރަށް ވަރުބަލިވޭ. އާންމުކޮށް ވަރަށް ވަރުބަލިވެފަ ހުންނަނީ ބަންގިގޮވަން ކައިރިވާ ގަޑީގަ. އެކަމަކު އެކަން މާބޮޑުކަމަކަށެއް ނުވޭ. އިނގޭ ވިއްޔަ އިރުކޮޅަކުން ކެވޭނެކަން ކޮންމެވެސް އެއްޗެއް."

"އަނެއްހެން ކެއުމަށް ބަލައިގެނެއް ނޫން އުޅެނީކީ. އެކަމު ރޯދަ ވީއްލާ ގަޑީގަ ވެސް އެހާ ގިނައެއްކޮށް ނުއެއްކަން. އާންމުކޮށް ކާވަރަށް ކެވެނީ. ދެން އަނެއްކާވެސް އޭގެ އިރުކޮޅެއް ފަހުން ތަރާވީސް ގަޑީގައި ކޮންމެވެސް އެއްޗެއް ކާލަން. ދެން އަނެއްކާވެސް ހާރުކާ ގަޑީގަ ކަނީ. އެހެންވީމަ އަޒަލް އަށް ހީވަނީ ހަމަ ބެލެންސްކޮށް ކަންނޭނގެ މިގެންދެވެނީ"

"ރޭގަނޑު އެއަށް ޓައިމް ދެވޭ ވަރަކުން ދެން. ރޭގަނޑު އޮވޭ ބައެއް ފަހަރު ބައެއް އިވެންޓްސްތައް ވެސް. ރޭގަނޑު ބޭނުންވޭ ފެމިލީ ގެތަކަށް ވިޒިޓް ކޮށްލަން ވެސް. އެހެންވީމަ އޭގެ އިތުރަށް އޮންނަ ޓައިމެއްގަ މިއުޒިކަށް ވަގުތުދެނީ."