މިދިޔަ މަހު ޓިކްޓޮކުގައި ފެށުނު މި "ރިބަން ހެކް" އަކީ ލާން ގެންގުޅޭ ޖިންސުތައް އުނަގަނޑަށް ދޫކޮށް ހުންނަ ނަމަ އެކަމަށް އޮތް ހައްލެކެވެ. ރީތި ޑިޒައިނަކަށް ހުރި ރިބަންކޮޅެއް ނަގާފައި ޖިންސު ނުވަތަ ފަޓުލޫނުގެ ދެ އަރިމަތިން ކަމަރު ލައްވަން އިންނަ ބަކަލް ކޮޅަށް ލައްވާލާފައި ބާރުކޮށްލުމަށް ފަހު ބޭރަށް ރީތިކޮށް ފެންނަން ހުންނަ ގޮތަށް ޓައިއެއް ޖަހާލާށެވެ. މި ރިބަންކޮޅުތައް ލާ ހެދުމާ ކުލައިން ގުޅުވާލައިގެން ހުންނަ ސްޓައިލްތައް ވެސް ފެނެ އެވެ.
ޖެންޒީ ޖެނެރޭޝަނުން ވައިރަލްކޮށްލި ދެވަނަ ރިބަން ސްޓައިލަކީ ސްކާފްތަކުގެ ބަދަލުގައި ދަބަސްތައް ރީތިކޮށްލަަން މި އެއްޗެހީގައި އެކި ކުލަތަކުން ރީތި ގޮތްތަކަށް ރިބަން އައްސާލައިގެން އުޅުމެވެ. އެކި ފުޅާމިނުގެ ރިބަން މި ސްޓައިލުގައި ބޭނުންކޮށްފައި ހުރެ އެވެ.
ޕެރިސް ފެޝަން ވީކްތަކުން ޓިކްޓޮކާ ހަމައަށް އައިސްފައިވަނީ އިސްތަށިގަނޑުގައި ރިބަން އައްސާލުމެވެ. މިހާރު މިއީ ހަމައެކަނި ސްކޫލަށް ދާ ކުދިންނަށް ހާއްސަ ކަމެއް ނޫނެވެ. ރީ ގޮތްގޮތައް އިސްތަށިގަނޑު ސްޓައިލްކޮށްލާފައި އެކި ކުލަތަކުގެ ރިބަން ބޭނުން ކޮށްލަންވީ އެވެ.
މި ކިޔާލަދިން ޓިޕްތަކަކީ ޖީބަށް ބަރުނުވާގޮތަށް އައުޓްފިޓްތައް އެއް ހަރުފަތް ކުރިއަށް ޖައްސާލާފައި "ކިއުޓް ފެކްޓާ" ގެނެސްލެވޭނެ ސްޓައިލްތަކެކެވެ.
